Lukas 10:3 - Kaili Ledo

³ Jadi, koimo komiu, tapi pakabelo! Apa komiu Kutudu hau ri tatanga ntona nadaa. Komiu masimbayu ante ana nu bimba nipopalai ri tatanga nu asulaku.

Lukas 10:3 Referans Kwoze

Matius 10:16

“Pariaramo tesaKu hitu! Komiu Kusuro hau ri tatanga ntona nadaa nasimbayu eva bimba ri tatanga asulaku. Jadi komiu kana matau eva ule bo malusu rara eva tonji togou.

Suro-Suro 20:29

Nisaniku malai yaku lako ri sii, kana makava tona nadaa anu mompakasusa todea anu nipiaramiu, nasimbayu mpo asulaku makava mombabaga bimba.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Yohanes 15:20

Toramo tesa niuliKumo ka komiu: batua ledo naogepa pade madikana. Ane Yaku nipandasara, natantumo komiu muni rapandasara. Ane nioseakara pepatudukiKu, natantumo raoseakara muni pepatudukimiu.

Matius 10:22

Komiu rapovuu mata ntodea sabana komiu nangoseaka Yaku. Tapi isema-sema maroo momparasaya sampe ri kaupuna rapakasalama nu Alatala.

Matius 7:15

“Komiu kana mainga nte tona nanguli karora nabi tano aga nodava. Ira nakava nte komiu netibelo rara eva bimba nanondo, tano rara ntaira nadaa mpuu eva asulaku nasoa.

Suro-Suro 9:2

bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.

Yohanes 10:12

Tona nigaji anu ledo topoevu bimba bo ledo muni tupu nu bimba, ane rakitana asulaku makava mombaraga bimba-bimba, aga rapalaikana bimba-bimba haitu apa ledo bimbana mboto. Jadi bimba haitu raraga bo rasaka nu asulaku sampe masimpotare.

Suro-Suro 9:16

Damo Yaku mboto manguli ka ia kasusa rakavana sabana nioseakana Yaku bo nipatolelena karebaKu.”

Lukas 10:4

Nee manggeni doi bara batutu rapomboli baku, bara sapatu ropasa. Nee mokalera gaga ri dala motesa-tesa ka tona.