Lukas 10:21 - Kaili Ledo

²¹ Tempo haitu muni Nosa Gasa nu Alatala nombakuasai i Yesus bo Ia nosambaya nte damba raraNa ivei: “Tata, Komiu Tupu nu langi bo tana! Nosukuru mpuu Yaku sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande, apa ivesiamo dotaMiu.”

Lukas 10:21 Referans Kwoze

2 Korintus 4:3

Ane da nariapa tona dopa nompaha Kareba Belo nipatolele kami, aga tona anu maropu bara maipia ledo nompahana, haitumo tona ledo nomparasaya.

Efesus 1:11

Alatala novia mpengaya-ngaya nangoseaka patujuNa bo pobotusiNa mboto. Jadi, nangoseaka pobotusiNa lako ri lamba pamulana, Alatala nompelisi kita, apa patujuNa kita majadi todeaNa lako ri posangu rarata nte i Kristus.

Efesus 1:5

Lako ri lamba pamulana Ia nompakatantu manganggataka kita majadi ana-anaNa sabana Ia nompotove kita. Kita najadi ana-anaNa lako ri kamate i Yesus Kristus, sabana haitumo nia bo dota nu Alatala mami lako ri pamulana.

Markus 10:15

Pariaramo tesaKu hitu! Isema-sema ledo natundu nte Alatala nasimbayu mpo ngana kodi natundu nte totuana, ia ledo mamala majadi todea riara Poparenta nu Alatala.>>

Matius 21:16

Niulikara i Yesus, “Ledo niepeMiu anu niuli ngana-ngana hitu? Nakuya bo ledo nitagiMiu?” Nesana i Yesus, “NiepeKumo. Nakuya tano? Ledo nibacamiu anu nitulisi riara Buku Gasa ivei: Ngana-ngana bo ngana da netomi nipatudukiMiu mantoiya Komiu.” Mazmur 8:3

Matius 16:17

Nanguli i Yesus, “Mabelo mpuu iko, Simon, ana i Yunus! Sabana, ledo manusia nompopaisani haitu ka komiu. TuamaKu ri suruga nompopaisani ka iko isema Yaku.

Lukas 15:9

Ane rakavana doina haitu, rapasiromuna roana bo tona nosadoyata nte ia ivei: ‘Kamaimo kita madamba-damba, sabana doiku nalipo nikavaku mpanjili.’

Lukas 15:5

Ane rakavana bimbana haitu, rasimbuakana manjili ante damba rarana.

Yohanes 11:41

Naupu sia, nilelakaramo vatu mbaso nipombatutui dayo haitu. Pade nitingoa i Yesusmo langi bo nosambaya, “Tata, Yaku nosukuru sabana posambayaKu hitu niepeMiumo.

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!