Lukas 1:53 - Kaili Ledo

⁵³ Tona naara, nipakabosuNa sampe nabasa ante mpengaya anu nabelo. Bo tona nakalumana nipopalaiNa ante pale boa.

Lukas 1:53 Referans Kwoze

Lukas 6:21

Nabelo mpuu komiu anu naara sii-sii, sabana komiu rapakabosu. Nabelo mpuu komiu nasusa rara sii-sii, sabana raramiu rapakasana.

Lukas 6:24

Mandasa mpuu komiu anu nakalumana sii-sii, sabana nikavamiu puramo anu nompakasana raramiu.

Matius 5:6

Nabelo mpuumo tona naino rarana matuvu manoa ri panggita nu Alatala, sabana Alatala mbotomo mompopapakule ia matuvu manoa.

1 Korintus 1:26

Sampesuvu-sampesuvu, toramo katuvumiu bara ipia tempo Alatala nompokio komiu majadi todeaNa. Ledo nadea komiu napande ri panggita ntona ri dunia. Ledo nadea komiu nakuasa bo ledo nadea naria nturona.

Yohanes 6:35

Nanguli i Yesus ka ira, “Yakumo hii kandea anu nombadekei katuvua haitu. Isema-sema makava nte Yaku, domo maara, bo isema-sema momparasaya Yaku, domo mabai tambolona sampe ri kasae-saena.

1 Korintus 4:8

Natantu nisarumakamiu nagana puramo nte komiu, nakalumanamo komiu riara mpengaya-ngaya. Nisarumakamiu komiu nomparenta mpo magaumo bo kami ledo. Mabelo mpuu ane makana komiu najadi magau, ala kami muni mamala momparenta mosanggani-nggani nte komiu!

Lukas 1:54

Alatala nantulungi todeaNa toIsrael, sabana ledo nalinga raraNa pojanjiNa nte Nabi Abraham, totuata nggaulu. Haitumo, Ia nojanji mompoasi i Abraham ante pura-pura mulina sampe ri kasae-saena.”