Lukas 1:33 - Kaili Ledo

³³ Ia momparenta toYahudi mpo Magau sampe ri kasae-saena. Bo poparentaNa haitu ledo maupu-upu.”

Lukas 1:33 Referans Kwoze

Ibrani 1:8

Tapi niuliNa ka AnaNa ivei: “Ikomo Alatala, bo poparentaMu maroo sampe ri kasae-saena, Iko moparenta todeaMu ante rara nanoa.

Pompakita 11:15

Naupu haitu malaeka kapapituna nompopomoni tabuena. Bo kaliu-liu nariamo suara-suara ri suruga nongare ante namangga mpuu ivei: “Sii-sii pura-pura poparenta ri dunia hitu najadi poparenta nTuputa bo poparenta nu Magau Topepakasalama anu nijanji nu Alatala. Ia momparenta sampe ri kasae-saena!”

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

Roma 9:6

Nau nadea toYahudi ledo nomparasaya i Yesus, ledo mamala raulita Alatala ledo nompakadupa pojanjiNa nte toYahudi! Apa ledo pura-pura muli i Israel nipelisi nu Alatala majadi todeaNa.

Galatia 6:16

Kuperapi Alatala mombadekei belo bo katinonto ka tona natuvu nangoseaka pepatuduki hitu, bo muni ka pura-pura todea nu Alatala, nau toYahudi, nau tona ledo toYahudi.

Filipi 3:3

Kakanana, kitamo anu nanoa ri panggita nu Alatala, ledo ira, apa kita nombasomba Alatala ante pekeniaka Nosa GasaNa. Kita nadamba sabana kita nosangu rara nte i Yesus Kristus, bo ledo nisarumakata pompasimbukuta mboto atau tonuapa kita, ala majadi manoa ri panggita nu Alatala.

Matius 1:1

Iveimo sunju nu muli ntotua i Yesus Kristus, muli Magau Daud, muli i Abraham:

Lukas 1:34

Nanguli i Maria ka malaeka Gabriel, “Yaku hii da narandaa. Berimba anu tutu majadi ri karoku?”