Kolose 3:24 - Kaili Ledo

²⁴ Nisanimiumo i Pue mboto mombadekei tambo ka komiu anu nijanjiNa ka pura-pura topomparasaya Ia. Kakanana i Kristusmo tua anu nitulungimiu, bo komiu batuaNa.

Kolose 3:24 Referans Kwoze

Efesus 6:8

Pariaramo! Isema-sema novia nabelo, nau ia batua atau ledo batua, kana rakavana balasina nabelo lako nte i Pue.

Lukas 14:14

Ane ivesia rapoviamiu, Alatala mombadekei belo ka komiu. Sabana ledo rapakule tona ivehaitu mombabalasi pokainggumiu nabelo. Pokainggumiu nabelo haitu rabalasi nu Alatala tempo tona nanoa rapakatuvu mpanjili lako ri kamatena.”

Galatia 1:10

Jadi, berimbamo, sampesuvu-sampesuvu? Yaku nanguli ivesia mbeki ratoiya ntona? Ledo ntoto nakana! Yaku aga madota ratoiya nu Alatala. Bara nipekirimiu yaku aga madota mompakadamba rara nu manusia. Tapi haitu ledo muni nakana, apa ane rapana yaku da nompasimbuku mompakadamba rara nu manusia, ledo masipato yaku majadi batua i Yesus Kristus!

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

Suro-Suro 20:32

Jadi sampesuvu-sampesuvuku, hitupa yaku nekakai nte Alatala nerapi Iamo mombajagai komiu. Bo kuuli ka komiu, oseakamo tesa nu Alatala anu nompopaisani kabelo nu Alatala ka kita. Aga Iamo nakuasa mompakaroso pomparasayamiu bo mombadekei belo ka komiu, haitumo belo nipakasadiaNa ka tona nipelisiNa majadi todeaNa.

Ibrani 11:6

Ledo ria saitoa namala rapodamba nu Alatala ane ledo ria pomparasayana. Apa isema-sema madota metupu nte Alatala, kana raparasayana naria Alatala. Bo kana raparasayana muni Alatala mombadekei belo ka tona nangelo Ia ante rara mpuu-mpuu.

Ibrani 10:35

Jadi, sampesuvu-sampesuvu, nee menonto momparasaya, sabana ane maroo komiu momparasaya, mambaso mpuu tambomiu bara maipia.

Efesus 6:6

Nee aga mokarajaa mabelo tempo komiu rakita nu tuamiu ala komiu ratoiya nu manusia. Tapi pokarajaamo ante mpuu-mpuu raramiu najadi batua i Kristus anu nangoseaka dota nu Alatala.

Matius 5:46

Ane komiu aga mompotove tona nompotove komiu, natantumo komiu ledo masipato ratoiya nu Alatala. Apa nau topesingara balasitee nadaa ingguna, nompotove tona anu nompotove ira.

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.

2 Petrus 1:1

Sampesuvu-sampesuvuku anu mpuu-mpuu nomparasaya i Yesus Kristus, nasimbayu mpo kami. Iamo Alatala bo Topompakasalama kita, anu nompopompakule pura-pura kita nomparasaya sabana Ia nanoa bo ledo nompelenje. Sura hitu lako nte yaku, i Simon Petrus. Yaku batua bo suro i Yesus Kristus.

Kolose 2:18

Jadi, ane maria tona nompakasala komiu sabana ledo nioseakamiu pepatudukira, nee rapariaramiu tesara, mbelaka komiu masalandala bo ledo manggava belo nijanji nu Alatala ka komiu. Tona haitu aga madota mompasuu komiu metiede rara bo mombasomba malaeka-malaeka. Ira nangoeka pangisanira sabana naria anu nikitara riara pangipi. Nalanga bayangi rarara, bo pepatudukira aga nopuna lako ri pekirira mboto anu nangoseaka dunia hitu.

1 Korintus 3:8

Topotuda bo topodundusi nasimbayu, bo ira simbo mantarima tambo nangoseaka kantamo pokarajaara mboto.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Matius 6:5

“Ane komiu mosambaya, nee moinggu eva tona aga nabelo ri sumba. Nipokonora neangga mosambaya riara banua-banua petupu bo ri tatanga nu dala ala rakita ntodea. Pariaramo tesaKu hitu! Nitarimaramo petoiya ntona bo haitumo tambo nu posambayara. Domo ria ntanina.

Roma 14:18

Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Matius 10:41

Isema-sema nantarima saito suro nu Alatala sabana ia mpuu-mpuu suro nu Alatala, tona haitu manggava tambo nasimbayu eva anu radekeika suro haitu. Bo isema-sema nantarima saito tonoa sabana ia mpuu-mpuu nanoa, tona haitu manggava tambo nasimbayu eva tambo radekei ka tona nanoa haitu.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

1 Korintus 11:23

Nipatudukikumo ka komiu bara ipia batuana nangande bo nanginu nosanggani-nggani mantora kamate i Yesus. Pepatuduki haitu nitarimaku lako nte i Pue Yesus mboto. Bongi i Pue Yesus nipobalu ka baliNa, nialaNa roti,

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.