Biblia Todo Logo
Bib sou entènèt

- Piblisite -




Kolose 3:1 - Kaili Ledo

1 Namala raulita kita topomparasaya i Kristus nipakatuvu mpanjili nosanggani nte Ia, sabana Alatala nombadekei katuvu nabaru ka kita. Jadi, pasimbukumo manggava anu nipasadia nu Alatala ka kita ri suruga, apa hamai i Kristus nonturo ri panggana nu Alatala.

Gade chapit la Kopi




Kolose 3:1
39 Referans Kwoze  

Ane pekirira nikuasai dota rara nadaa, ira mamate bo rapopogaa lako nte Alatala. Tapi ane pekirira nikuasai nu Nosa Gasa nu Alatala, ira matuvu mabelo bo mosinggabelo ante Alatala.


Jadi pasimbuku ntanimo ruru ala Alatala momparenta riara katuvumiu bo oseakamo dotaNa, bo pura-pura ntanina haitu radekeiNa muni ka komiu.


Jadi kami ledo nompariara kasusa bo kapari anu nikita ri dunia hitu, tapi kami nompariara belo anu dopa nikita anu nasadia ka kami. Apa, anu nikita ri dunia hitu aga sampalai, tapi belo anu dopa nikita haitu, bate-batena sampe ri kasae-saena.


Pekirikamo katuvumiu nabaru nosanggani ante i Kristus ri suruga. Nee aga mompekirika katuvumiu ri dunia hitu.


Agina mompasiromu kakalumana ri suruga apa hamai kakalumana ledo rakande nu ane atau tagara, bo ledo rapangangga ntona.


Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.


Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.


AnaNa haitu nompopakita kuasa bo kaoge nu Alatala, bo Ia nasimbayu nte Alatala. Iamo nombakuasai bo nompiara mpengaya-ngaya ri dunia ante tesaNa nakuasa. Naupu Ia nombakabasaka manusia lako ri dosa, Ia nonturo ri ponturo magau ri suruga ri panggana nu Alatala toNeliu KaogeNa.


Aga hitu Kuuli ka komiu: nompamula sii-sii Yaku, Ana nu Manusia monturo ri sabingga nggana nu Alatala anu Neliu KakuasaNa.”


Namala raulita kita topomparasaya i Kristus namate nosanggani-nggani nte Ia, bo nikabasaka lako ri kuasa malaeka-malaeka nadaa anu nombakuasai dunia. Jadi nakuya komiu da nangoseaka atura-atura ri dunia hitu nasimbayu mpo tona dopa nosisani nte i Kristus?


Patuju ntesaku pangane ivei: Naria mamimo Pakeni nTopanggeni Pesomba ivehaitu nte kita. Ia nonturo ri suruga ri panggana nu Alatala anu Neliu KaogeNa.


Isema mabia mompakasala kita? Ledo ntoto ria, sabana i Kristus namate mantolosi dosata. Bo ledo aga haitu, Ia nipakatuvu mpanjili bo nonturo ri panggana nu Alatala ri suruga, bo Iamo nanjaliku kita ri ngayo nu Alatala.


Tapi aga sangu pesomba nikeni i Kristus, haitumo karoNa mboto nidekeiNa rapatesi majadi pesomba posompo dosa. Bo pesombaNa haitu nompakule mompakalali dosa sampe ri kasae-saena. Naupu nanggeni pesomba haitu, Ia nonturo ri panggana nu Alatala.


Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”


Bo i Kristus anu nanau haitu, Ia muni neore hau ri ponturo anu nalangapa pade pura-pura anu ntanina ri langi, ala Ia mamala maria ri umba-umba.


Nesanamo i Yesus, <>


Bo ledo ria sanggania Alatala nanguli ka malaekaNa mpo niuliNa ka AnaNa ivei: “Ponturomo ri sabingga ngganaKu sampe Kupopekou pura-pura baliMu nte Iko.” Mazmur 110:1


Jadi patuju nu tesa Magau Daud pangane, ledo nanguli karona mboto, sabana natantu ledo i Daud natuvu mpanjili bo neore hau ri suruga. Tapi i Daud nanguli ivei: ‘Tupu nanguli ka Pueku: Ponturomo ri sabingga ngganaKu


Tano i Daud mboto nanguli Ia Puena. Riara Buku Mazmur, i Daud notulisi ivei: ‘Tupu nanguli ka Pueku, “Ponturomo ri sabingga ngganaKu,


Naupu i Yesus notesa ivesia ka ira, neoremo Ia hau ri suruga bo nonturo ri sabingga nggana nu Alatala.


Magau Daud mboto notesaki Magau Topepakasalama ante pekeniaka Nosa Gasa, ivei: Tupu nanguli ka Pueku, Mazmur 110:1


Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.


Tapi i Stefanus nikuasai nu Nosa Gasa nu Alatala, bo nantingoa langi. Nikitana reme nu Alatala. Bo nikitana muni i Yesus neangga ri sabingga nggana nu Alatala.


Tupu nanguli ka Pueku, ‘Kaimo, ponturomo ri sabingga ngganaKu sampe pura-pura baliMu Kupopekou nte Iko.’ Mazmur 110:1


Mombine, pekoumo nte bereimiu langgai, nasimbayu nte pekoumiu nte i Pue


Swiv nou:

Piblisite


Piblisite