Kolose 2:10 - Kaili Ledo

¹⁰ Bo komiu natuvu mpuu bo ledo nakura nuapa-nuapa sabana komiu nosangu rara ante i Kristus. I Kristus nalangapa nturoNa pade pura-pura anu nakuasa bo anu nomparenta ri suruga bo dunia.

Kolose 2:10 Referans Kwoze

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

Yohanes 1:16

Naoge mpuu tove i Yesus Kristus ka kita sampe ledo ria kaupu-upuna belo nidekeiNa ka kita.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

Matius 28:18

I Yesus nanggaparai ira bo nanguli, “Pura-pura kuasa ri suruga bo ri dunia nidekei ka Yaku.

1 Korintus 15:24

Maliu haitu pade makava kaupu nu dunia. Tempo haitu i Kristus mombadagi pura-pura tupu ntanina bo anu nakuasa, bo Ia moparenta mpo Magau. Maliu haitu, radekeiNa PoparentaNa ka TuamaNa Alatala.

Efesus 3:10

PatujuNa ala sii-sii pura-pura malaeka bo anu nakuasa ri langi mangisani notoNa nompasiayu mpengaya-ngaya, sabana rakitara niaNa haitu rapakadupa ante todea topomparasaya i Kristus.

Kolose 2:15

Bo tempo i Yesus nipatesi nipaku ri kayu salib, nidagiNa pura-pura seta bo malaeka nadaa anu nakuasa. NilelakasiNamo kuasara nomparenta bo nipopakitaNa ka pura-pura isi dunia Iamo padagi bo ira nidagiNamo.