Kolose 1:9 - Kaili Ledo

⁹ Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Kolose 1:9 Referans Kwoze

Yakobus 3:17

Tona naria noto pompekirina anu nopuna lako nte Alatala, iamo tona nagasa rarana, ledo ria pokaingguna nadaa. Ia natuvu nosinggabelo ante tona ntanina bo nalusu rarana. Ia ledo nasombo tapi nasadia nantarima tesa lako nte tona ntanina. Naasi mpuu matana nanggita roana napakasi, bo nadea poviana nabelo. Ia ledo nompelenje, bo nanoa rarana.

Yakobus 1:5

Ane makura noto pompekirimiu, perapimo lako nte Alatala. Bo radekeiNa pompekiri nanoto niperapimiu, sabana najoi raraNa nombadekei noto ka pura-pura tona. Ledo ntoto natove raraNa.

Kolose 4:5

Komiu kana mokainggu manoto ante tona dopa nomparasaya i Kristus. Pakemo pura-pura loga naria mompopaisani i Kristus ka ira.

1 Petrus 2:15

Alatala nompokono komiu mokainggu nabelo ala tona nadoyo anu ledo nisanina nuapa-nuapa domo mabia manjalai komiu, apa malantomo pesalaira haitu ledo nakana.

2 Tesalonika 1:11

Haitu sampe kami nasaro nosambaya ka komiu. Kami merapi ala Alatala mombatulungi komiu ala pokainggumiu majadi masipato ka tona nipokio nu Alatala majadi todeaNa. Kami merapi Alatala mombatulungi komiu ante kuasaNa ala pura-pura niamiu movia anu nabelo majadi mpuu, bo pura-pura pokarajaa nipoviamiu sabana pomparasayamiu rapapolamiu sampe maupu.

1 Tesalonika 5:17

Nee masau rara mosambaya.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

Ibrani 10:36

Komiu kana mosabara ala maupu komiu movia dota nu Alatala, komiu mantarima anu nijanjiNa.

Filipi 1:4

Bo nggani-nggani yaku nosambaya ka komiu pura-pura, yaku nosambaya ante damba raraku.

Filemon 1:4

Nggani-nggani yaku nosambaya ka iko, yaku nosukuru nte Tupuku Alatala

Efesus 6:6

Nee aga mokarajaa mabelo tempo komiu rakita nu tuamiu ala komiu ratoiya nu manusia. Tapi pokarajaamo ante mpuu-mpuu raramiu najadi batua i Kristus anu nangoseaka dota nu Alatala.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

1 Yohanes 2:17

Dunia bo pura-pura anu naria riarana anu nipoino manusia magero, tapi isema-sema mangoseaka dota nu Alatala, matuvu mabelo sampe ri kasae-saena.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

Kolose 4:12

Bo tabe muni lako nte i Epafras, batua i Yesus Kristus lako ri ngatamiu mboto. Ia bate-batena nekakai nte Alatala ante mpuu-mpuu rarana ala ledo molengga-lengga pomparasayamiu, bo ala komiu majadi topomparasaya anu ledo makura nuapa-nuapa ri panggita nu Alatala, bo ala komiu maroo mangoseaka pura-pura dota nu Alatala.

Kolose 1:6

bo natolele ri umba-umba ri dunia sampe da kapantambai-mbaina kadea ntona nomparasaya i Yesus bo katuvura nipakabaru. Ivesia muni najadi ante komiu, nompamula lako ri tempo niepemiu Kareba Belo bo mpuu-mpuu nirasaimiu kabelo nu Alatala.

Efesus 5:17

Jadi nee madoyo, tapi pasimbukumo mangisani bo movia anu nipodota i Pue rapoviamiu.

Efesus 5:10

Pasimbukumo ala rasanimiu pokainggu nipokono nu Alatala.

Efesus 1:8

ToveNa haitu nipopelabiNa ka kita bo Ia muni mpuu-mpuu nompakanoto rarata bo nompopaisani patujuNa ka kita.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.

1 Korintus 1:5

Katuvumiu nipakasugiNa riara mpengaya-ngaya sabana komiu nosangu rara ante i Yesus Kristus. NidekeiNa ka komiu kapande notesa bo mpengaya-ngaya pangisani nabelo.

Suro-Suro 12:5

Jadi i Petrus nitaha riara ntarunggu. Tapi todea topomparasaya i Yesus nosambaya njuu ka i Petrus ante mpuu-mpuu rarara.

Filemon 1:6

Kita nosangu rara nte topomparasaya ntanina sabana pomparasayata i Yesus. Yaku nosambaya ala posangu raramu nte topomparasaya ntanina, manggeni iko mpuu-mpuu mombapaha mpengaya-ngaya belo naria nte kita anu nosangu rara nte i Kristus.