Ibrani 8:8 - Kaili Ledo

⁸ Alatala mboto nanggita kakura ntodea toYahudi sampe niuliNa ivei: “Pariaramo! Kana makava tempona bara maipia Yaku movia pojanji nabaru ante toIsrael bo valaa i Yehuda.

Ibrani 8:8 Referans Kwoze

Ibrani 12:24

Bo komiu muni nantingayo i Yesus, Topetariolo anu nompasiayu pojanji nabaru haitu. Bo komiu nantingayo raa nipatiti i Yesus anu nabelopa pade raa i Habel.

Ibrani 9:15

Haitu sampe i Kristus najadi topetariolo anu nompasiayu pojanji nu Alatala nabaru ala tona nipelisi nu Alatala mamala mantarima belo nijanjiNa sampe ri kasae-saena. Apa i Kristus namate nombatolosi dosa nipovia tempo pojanji nokolu da nipake.

2 Korintus 3:6

Iamo nombadekei ka kami pompakule nompatuduki pojanjiNa nabaru ka tona. Pojanji nabaru haitu ledo atura-atura nitulisi, tapi nopuna lako ri Nosa Gasa nu Alatala. Atura-atura anu nitulisi nanggeni kamatea sabana ledo nipakule manusia mangoseakana, tapi Nosa Gasa nu Alatala nombadekei katuvua nabelo sampe ri kasae-saena.

1 Korintus 11:25

Bo ivesia muni naupu ira nangande, nialaNa saboda uve anggur bo niuliNa, “Panginu hitu tandana Pojanji nu Alatala nabaru rapakaasa ante raaKu. Nggani-nggani komiu manginu panginu ada hitu, inumo rapombatora Yaku.”

Lukas 22:20

Ivesia muni naupu nangande, nialana saboda uve anggur bo niuliNa, “Panginu hitu tandana Pojanji nu Alatala nabaru anu rapakaasa nte raaKu matiti ka komiu.

Markus 14:24

Naupu haitu niuliNamo, <

Lukas 17:22

Naupu haitu i Yesus nanguli ka anaguruNa, “Makava tempona ngena, maoge mpuu raramiu manggita Yaku, Ana nu Manusia, nau aga saeo, tapi domo rakitamiu Yaku.

Matius 26:28

sabana hitumo raaKu rapatiti ka todea ngena ala mompakaasa Pojanji nu Alatala nabaru. RaaKu hitu rapatiti ka todea ala dosa-dosara raampungi.

Ibrani 7:22

Lako ri posumpa haitu, nalantomo pojanji nu Alatala nabaru nabelopa pade pojanji njae. Apa i Yesusmo namala nompakatantu pojanji haitu mpuu-mpuu madupa.

Ibrani 8:6

Tapi i Yesus nanggava pokarajaa nanggeni pesomba anu nabelopa pade pokarajaa ntopanggeni pesomba ri dunia hitu anu nangoseaka Atura-atura agama nggaulu. Bo ivesia muni pojanji nabaru anu nipasiayuNa ri olo nu Alatala bo manusia nelabipa kabelona pade pojanji nokolu, sabana pojanji nabaru nipovia nangoseaka janji-janji tobelona.

Ibrani 8:13

Ri tesaNa pangane, Alatala nombatesa pojanji nabaru, jadi nipakalantoNa pojanji nokolu natuamo bo domo rapake. Anu domo nipake bo natuamo natantu domo masae malipomo.

Lukas 5:38

Kakanana, uve anggur nabaru kana raboli ri pomboli nabaru muni.