Ibrani 8:4 - Kaili Ledo

⁴ Ane rapana Ia ri dunia hitu, Ia ledo ntoto majadi topanggeni pesomba, sabana nariamo topanggeni pesomba anu nanggeni pesomba ka Alatala nangoseaka Atura-atura agama Yahudi.

Ibrani 8:4 Referans Kwoze

Ibrani 5:1

Pura-pura Pakeni nTopanggeni Pesomba nipelisi lako nte todea bo nianggataka manjambei todea mantingayo Alatala. Pokarajaara haitu, manggeni pedekei-pedekei ka Alatala bo pesomba-pesomba anu majadi posompo dosa.

Ibrani 11:4

Lako ri pomparasaya i Habel, pesomba nikenina ka Alatala nabelopa pade pesomba nikeni ntuakana i Kain. Lako ri pomparasayana haitu, i Habel nitarima nu Alatala mpo tona nanoa apa nalantomo pesombana nipodamba nu Alatala. Bo nau namatemo ia, da nariapa tesana bo jonjo pomparasayana.

Ibrani 7:27

Ia ledo nasimbayu ante Pakeni nTopanggeni Pesomba ntanina. Eo-eo nikenira ntani ruru pesomba posompo ka dosara mboto, pade namala nikenira pesomba posompo ka dosa ntodea. Tapi i Yesus nanggeni pesomba aga sanggani tempo nidekeiNa karoNa mboto rapatesi mantolo dosa manusia. Pesomba haitu ledo paraluu rasili sampe ri kasae-saena.

Ibrani 8:3

Pura-pura Pakeni nTopanggeni Pesomba nianggataka ala manggeni pedekei bo pesomba ka Alatala. Jadi i Yesus muni paraluu maria pesomba rakeniNa ka Alatala.

Ibrani 9:9

Haitu muni naria batuana ka kita sii-sii, haitumo pedekei-pedekei bo pesomba-pesomba nipesomba ntona nangoseaka atura-atura pojanji nokolu, ledo nakuasa mompakagasa rara ntai ntopesomba ri panggita nu Alatala.

Ibrani 10:11

Eo-eo topanggeni pesomba agama Yahudi neangga nantui pokarajaara. Nadea nggani nikenira pesomba-pesomba nasimbayu ka Alatala. Tapi pesomba haitu ledo ntoto nompakule mompakalali dosa.