Ibrani 6:19 - Kaili Ledo

¹⁹ Ane mantamo talonto sakaya, natantumo sakaya haitu ledo maave. Ivesia muni kita: ane maroso panjarumakata ledo masalandala kita. Ledo mabali panjarumakata sabana anu nisarumakata haitumo i Pue Yesus. Ia naria ri Tombi Nelabi Kagasana ri suruga, bo

Ibrani 6:19 Referans Kwoze

Ibrani 9:7

Tapi aga Pakeni nTopanggeni Pesomba saitona nidekei mesua ri tombi karontombina anu niuli Tombi Nelabi Kagasana, bo haitu aga sanggani sampae. Tempo ia mesua kana rakenina raa rapesombana mombasompo dosana mboto bo dosa ntodea anu ledo nitunggaira.

Ibrani 9:3

Bo ri bengo kae povombo anu nipotombi, naria tombi niuli Tombi Nelabi Kagasana.

Matius 27:51

Ri tempo haitu muni kae povombo ri Banua nu Alatala nabite rombite lako ri bavona sampe ri tambena. Bo naria muni lingu mbaso bo vatu-vatu mbaso natebingga.

Kolose 3:1

Namala raulita kita topomparasaya i Kristus nipakatuvu mpanjili nosanggani nte Ia, sabana Alatala nombadekei katuvu nabaru ka kita. Jadi, pasimbukumo manggava anu nipasadia nu Alatala ka kita ri suruga, apa hamai i Kristus nonturo ri panggana nu Alatala.

2 Timotius 2:19

Tapi naupa ivesia, Tesa nu Alatala batena nakana bo namala raparasaya. Tesa nu Alatala naroso mpo pandasi nau ragoya ledo mogoya. Tesa nu Alatala haitu nitulisi ivei: “Nisani nTupu isema todeaNa.” Bo naria tesa ntanina nanguli, “Isema-sema nanguli ia topangoseaka Tupu, kana menonto mokainggu nadaa.”

Suro-Suro 27:29

Naupu haitu niulurakara ampa talonto lako ri bagia puri nu kapala ala mompopetaa kapala, apa ira naeka kapala kami mombarumpa vatu oti. Ira nosambaya, nerapi masalisa maeo.

Roma 4:16

Jadi kita mantarima anu nijanji nu Alatala sabana pomparasayata nggoo, ala malanto anu nidekeiNa haitu nidekeiNa bayangi lako ri kabelo nu raraNa. Jadi, anu nijanji nu Alatala nambela ka pura-pura muli i Abraham, ledo aga ka toYahudi anu nompasimbuku nangoseaka Atura agama, tapi isema-sema nanjarumaka Alatala nasimbayu mpo i Abraham nanjarumaka Alatala. Apa i Abraham rapotuamata mpasinggani, haitumo, ia najadi jonjo pomparasaya ka kita pura-pura.

Suro-Suro 27:40

Naupu sia, nipudusira kaloro-kaloro nu talonto bo talonto haitu nipalambaramo naboli nalonju rantasi. Nivolera kaloro-kaloro pompou guli ala kapala mamala raguli. Niorera somba ri kolu nu kapala ala poiri mombaburu kapala hau ri talinti.

Ibrani 4:16

Sabana haitu, nee maeka. Kita kana mabia mosinggava nte Alatala riara posambayata apa Alatala nabelo raraNa bo nipotoveNa kita. Ane kita mekitulungi nte Ia, kita rapoasiNa bo ratulungiNa ri tempo niparaluuta.

Efesus 2:6

Bo kita nianggatakaNa ala kita muni momparenta mosanggani-nggani ante i Yesus Kristus ri suruga sabana kita nosangu rara ante Ia.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Suro-Suro 23:6

Nipeinta i Paulus naria toSaduki, bo toFarisi riara Polibu Mbaso Agama haitu. Jadi, niulinamo ka ira pura-pura, “Sampesuvu-sampesuvu! Yaku hii toFarisi muni bo muli ntoFarisi! Yaku nitangara ri sii sabana yaku nomparasaya tona namate mpuu-mpuu matuvu mpanjili!”

Roma 4:18

Nau domo ria panjarumaka i Abraham momuli, ia batena nomparasaya bo nanjarumaka Alatala. Niparasayana ia majadi tuama ngata mbaso dea, nantuntuni tesa nu Alatala ka ia ivei: <>

Roma 5:4

Ane maroso rarata, rapakuleta mombatidamaka tempo rapesori bo pokaingguta haitu rapokono nu Alatala. Bo ane rasanita pokaingguta nipokonoa nu Alatala, panjarumakata nte Ia mantambai maroso.

1 Korintus 13:13

Jadi pura-pura pompakule maupu tapi naria talu-ngaya anu ledo maupu-upu, haitumo pomparasaya, panjarumaka bo pepotove. Bo lako ri talu-ngaya haitu, nopokopa pepotove.

Kolose 1:27

Apa dota nu Alatala ala rasani ntodeaNa kabelo bo kaoge niaNa ka pura-pura manusia. NiaNa haitumo: i Kristus natuvu riara ntaita, jadi nisanita kita mpuu-mpuu matuvu mabelo nte Alatala sampe ri kasae-saena.

1 Petrus 1:3

Masipato kita mombatoiya Alatala, Tuama nTuputa Yesus Kristus! Nambaso mpuu asi mataNa ka kita, sampe nidekeiNa katuvu nabaru ka kita. Bo katuvu nabaru haitu nitarimata sabana i Yesus Kristus nipakatuvu mpanjili lako ri kamateNa. Haitumo sabana panjarumakata naroso.