Ibrani 4:9 - Kaili Ledo

⁹ Jadi da nariapa loga ka kita todea nu Alatala menonto mosanggani-nggani ante Ia nasimbayu mpo penontoNa ri eo kapapituna.

Ibrani 4:9 Referans Kwoze

1 Petrus 2:10

Bara ipia komiu ledo todeaNa, tapi sii-sii komiu najadi todeaNamo. Bara ipia komiu ledo nipoasi mataNa, tapi sii-sii nirasaimiumo asi nu mataNa!

Pompakita 21:4

Ia mbotomo mombapaisi pura-pura uve mata lako ri matara. Domo maria tona mamate, domo maria tona masusa rarara bara motumangi, bo domo maria tona madua. Sabana, dunia nokolu domo naria.”

Ibrani 4:3

Kita anu nomparasaya mamala menonto mosanggani-nggani ante Alatala, tapi ira ledo. Apa nikitata tesa nu Alatala ri bavona: “Nagigi mpuu raraKu sampe Yaku nosumpa ivei: Ledo ntoto Kudekei ira menonto mosanggani-nggani ante Yaku.” Mazmur 95:11 Ira ledo mombarasai kabelo penonto nu Alatala naupa penonto haitu nasadiamo lako ri lamba pamulana tempo Alatala naupu nompajadi dunia bo pura-pura isina.

Ibrani 4:1

Sampesuvu-sampesuvu, da naria pojanji nu Alatala nombadekei loga ka kita menonto mosanggani-nggani ante Ia. Haitu sampe kita kana mainga ala nee maria saitoa kita maboli.

Ibrani 11:25

Nipokononapa mombarasai kasusa bo kapari mosanggani-nggani ante todea nu Alatala pade mombarasai kasana aga sampalai lako ri katuvu nadosa.

Ibrani 3:11

Nagigi mpuu raraKu sampe Yaku nosumpa ivei: Ira ledo ntoto mamala mesua ri ngata Kudekeika ira bo ledo mamala ira menonto mosanggani-nggani ante Yaku.’ ” Mazmur 95:7-11

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.

Matius 1:21

I Maria mompoanaka saito ngana langgai, bo ngana haitu kana mupoposanga Yesus sabana Iamo mompakasalama todeaNa lako ri dosara.”

Ibrani 4:8

Tempo nokolu i Yosua nanggeni toIsrael nesua ri tana Kanaan anu nijanji nu Alatala ka ira. Tapi haitu ledo nireke “nenonto nosanggani-nggani ante Alatala”, sabana ri puri pade nitesa nu Alatala loga ntanina menonto mosanggani-nggani ante Ia.

Ibrani 4:10

Nalantomo haitu, apa isema-sema menonto mosanggani-nggani ante Alatala menontomo lako ri pokarajaana nasimbayu mpo Alatala muni nenonto lako ri pura-pura pokarajaaNa bara ipia.

Pompakita 14:13

Naupu haitu niepeku suara lako ri suruga nanguli, “Tulisimo tesa hitu: nompamula sii-sii nabelo mpuumo tona natutu nomparasaya i Pue sampe namate.” Bo nesanamo Nosa Gasa nu Alatala, “Nakana mpuu tutu. Domo rarasaira kasusa bo kapari, bo maria tambo radekei ka ira nangoseaka panggaviara.”