Ibrani 4:3 - Kaili Ledo

³ Kita anu nomparasaya mamala menonto mosanggani-nggani ante Alatala, tapi ira ledo. Apa nikitata tesa nu Alatala ri bavona: “Nagigi mpuu raraKu sampe Yaku nosumpa ivei: Ledo ntoto Kudekei ira menonto mosanggani-nggani ante Yaku.” Mazmur 95:11 Ira ledo mombarasai kabelo penonto nu Alatala naupa penonto haitu nasadiamo lako ri lamba pamulana tempo Alatala naupu nompajadi dunia bo pura-pura isina.

Ibrani 4:3 Referans Kwoze

1 Petrus 1:20

Dopame dunia nipajadi, Ia nipakatantu nu Alatala mami majadi topantolo dosa manusia. Bo ri tempo sii-sii napara kaupu nu dunia Ia nakava ri dunia hitu mompakasalama komiu.

Ibrani 9:26

Apa ane rapana mpenggani-nggani Ia mesua, batuana mpenggani-nggani muni Ia kana mombarasai kasusa bo kapari nompamula lako ri lamba pamulana. Tapi kakanana, ri tempo sii-sii anu napara kaupu dunia Ia nakava aga sanggani nompakalali dosata ante nombadekei karoNa mboto nipatesi.

Efesus 1:4

Dopame dunia nipajadi, Alatala nompelisi kita majadi todeaNa anu nosangu rara nte i Kristus. Kita nipelisiNa majadi todea anu matuvu magasa bo ledo maria salata ri panggitaNa.

Ibrani 3:11

Nagigi mpuu raraKu sampe Yaku nosumpa ivei: Ira ledo ntoto mamala mesua ri ngata Kudekeika ira bo ledo mamala ira menonto mosanggani-nggani ante Yaku.’ ” Mazmur 95:7-11

Matius 13:35

Ivesiamo kadupana tesa nu Alatala nipasimbayu nabi nggaulu ivei: “Yaku mompake porapa ane motesa ka ira. Ivesiamo Kutesa anu nitabuniaka lako ri pompajadi dunia.” Mazmur 78:2

Ibrani 3:14

Apa kita manggava bagia lako ri pura-pura anu naria nte i Kristus asaa anu niparasayata lako ri pamulana bate-batena raparasayata sampe ri kaupuna bo ledo molengga-lengga.

Matius 25:34

Bo Kuuli ka ira ri sabingga ngganaKu ivei: ‘Kamaimo komiu nipobelo nTuamaKu. Pesuamo riara KamagauaKu, naria ponturo ri sii nipakasadia ka komiu lako ri lamba pamulana.