Ibrani 11:6 - Kaili Ledo

⁶ Ledo ria saitoa namala rapodamba nu Alatala ane ledo ria pomparasayana. Apa isema-sema madota metupu nte Alatala, kana raparasayana naria Alatala. Bo kana raparasayana muni Alatala mombadekei belo ka tona nangelo Ia ante rara mpuu-mpuu.

Ibrani 11:6 Referans Kwoze

Matius 6:33

Jadi pasimbuku ntanimo ruru ala Alatala momparenta riara katuvumiu bo oseakamo dotaNa, bo pura-pura ntanina haitu radekeiNa muni ka komiu.

Lukas 12:31

Jadi pasimbukumo ala Alatala momparenta riara katuvumiu, bo pura-pura anu ntanina haitu radekeiNa muni ka komiu.”

Ibrani 7:25

Jadi haitumo sampe Ia nompakule nompakasalama sampe ri kasae-saena tona nikeniNa natundu nte Alatala. Apa i Yesus batena natuvu nombasaliku ira ri ngayo nu Alatala.

Roma 10:14

Tapi berimbamo tona mekakai nte i Pue ane dopa niparasayara Ia? Bo berimbamo ira momparasaya Ia ane dopa niepera karebaNa? Bo berimbamo raepera karebaNa ane dopa ria tona nompatolele kareba haitu ka ira?

Ibrani 3:12

Jadi sampesuvu-sampesuvuku, komiu kana mainga ala nee maria komiu majadi madaa bo ledo momparasaya sampe motubengosi Alatala anu natuvu sampe ri kasae-saena!

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

2 Petrus 1:5

Alatala nabelo mpuu nte komiu, jadi haitumo sabana komiu kana mpuu-mpuu mompasimbuku ala pomparasayamiu mosinggeni nte pokainggu nabelo. Bo kana rasanimiu dota nu Alatala.

Ibrani 4:6

Jadi tona pamulana anu nangepe kareba nabelo haitu ledo nirasaira kabelo penonto nu Alatala, sabana ira ledo nomparasaya. Tapi patuju nu Alatala, kana maria tona menonto mosanggani-nggani ante Ia.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

2 Petrus 1:10

Jadi sampesuvu-sampesuvu, pasimbuku mpuumo mokainggu mabelo ala malanto komiu mpuu-mpuu nipelisi nu Alatala bo nipokioNa majadi todeaNa. Ane inggu-inggu pangane ratambaika pomparasayamiu, natantu ledo ntoto moura pomparasayamiu,

Ibrani 7:19

Batuana, Atura-atura agama ledo ntoto nompakule manggeni tona majadi manoa ri panggita nu Alatala. Tapi sii-sii naria sangaya dala nabelopa nipopaisani ka kita. Ane raoseakata dala hitu kita mamala mosisani belo nte Alatala.

Ibrani 4:2

Apa kita muni nangepe Kareba Belo nu Alatala nasimbayu mpo totuata nggaulu. Tapi kareba niepe ntotuata ledo ria gunana ka ira, sabana aga niepera bayangi, ledo niparasayara kareba haitu.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Ibrani 11:26

Niparasayana Magau Topepakasalama anu nijanji nu Alatala makava bara maipia. Nipekirina nabelopa ia rasalai sabana pomparasayana pade manggava pura-pura kakalumana ri Mesir. Nipekirina ivesia sabana ia bate-batena nanjarumaka belo radekei nu Alatala ka ia bara maipia.

Markus 16:17

Tona nomparasaya radekeika kuasa movia kabaraka-kabaraka, evamo mompopalai seta-seta ante kuasaKu. Ira motesa ante basa-basa anu ledo nipegurura.

Lukas 6:35

Kakanana ledo ivesia! Komiu kana mompotove balimiu, bo povia anu nabelo ka ira. Ane tona meada nte komiu, dekei ka ia bo nemo rapopea rapopanjilina. Ane ivesia pokainggumiu, naoge mpuu belo radekei ka komiu bo komiu majadi ana-ana nu Alatala toNeliu KaogeNa, apa Ia muni novia anu nabelo ka tona nadaa bo tona ledo nisanina notarima kasi.

Matius 6:16

“Ane komiu mopuasa nee molenje naburu eva kabiasa ntona aga nabelo ri sumba. Nitunggaira nompakaburu lenjera ala rasani ntodea ira nopuasa. Pariaramo tesaKu hitu! Nikavaramo pura-pura tambo nu puasara haitu. Domo ria ntanina.

Matius 6:5

“Ane komiu mosambaya, nee moinggu eva tona aga nabelo ri sumba. Nipokonora neangga mosambaya riara banua-banua petupu bo ri tatanga nu dala ala rakita ntodea. Pariaramo tesaKu hitu! Nitarimaramo petoiya ntona bo haitumo tambo nu posambayara. Domo ria ntanina.

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”

Matius 11:26

apa ivesiamo dotaMiu.”