Ibrani 11:32 - Kaili Ledo

³² Sampesuvu-sampesuvuku, da nadeapa jonjo ntanina mamala kutesa, tapi ledo nagana tempoku mantesa pakalanto hanupa pomparasaya i Gideon, i Barak, i Simson, i Yefta, i Daud, i Samuel bo nabi-nabi ntanina.

Ibrani 11:32 Referans Kwoze

Yohanes 21:25

Da nadeapa anu ntanina nipovia i Yesus. Ane rapana ratulisi pura kajadia haitu, nipekiriku dunia hitu ledo masuka rapomboli pura-pura buku ratulisi.

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.

Roma 7:7

Niuliku pangane i Kristus nombakabasaka kita lako ri Atura agama. Jadi ane ivesia, nuapa raulita? Nadaa Atura agama? Tantu ledo! Atura-atura agama nabelo, sabana lako ri Atura haitu nisanita nuapa niuli dosa. Ane rapana ledo ria parenta nanguli <> ledo kusani kadaa nu dota anu naria riara ntaiku.

Roma 4:1

Jadi pekirimo i Abraham, totua ntoYahudi nggaulu. Berimba sampe ia najadi nanoa ri panggita nu Alatala?

Roma 3:5

Bara naria tona nanguli Alatala ledo nanoa ane Ia rahukuNa kadaata, sabana kadaata haitu aga nompakalanto kanoa nu Alatala.

Suro-Suro 13:20

Lako ri tempo ira hau ri tana Mesir sampe nesua ri tana Kanaan pataatu limapulu mpae kasaena. Naupu tana Kanaan nibagi-bagiNa ka toIsrael, Alatala nompelisi ka ira topotangara-topotangara manggeniaka ira. Topotangara kaupuna haitumo Nabi Samuel.

Suro-Suro 10:43

Pura-pura nabi nggaulu notesa i Yesus. Niulira isema-sema momparasaya i Yesus, dosana raampungi ante kuasa i Yesus.”

Suro-Suro 3:24

Nabi-nabi ntanina anu nompasimbayu tesa lako nte Alatala nggaulu, nompamula lako ri Nabi Samuel sampe nabi-nabi natuvu purina, ira pura nombatesa anu najadi ri tempo sii-sii.

2 Petrus 3:2

Patujuku, ala ratoramiu tesa-tesa niboto nu nabi-nabi nu Alatala nggaulu, bo ala ratoramiu muni parenta-parenta lako nte Tuputa Yesus, Topepakasalama. ParentaNa nipasimbayu nu suro-suroNa anu nakava nte komiu.

Yakobus 5:10

Sampesuvu-sampesuvu, oseakamo jonjo nabi-nabi nggaulu anu nompasimbayu tesa nu Alatala. Ira batena nosabara bo naroo rarara tempo nombarasai kasusa bo kapari.

Roma 6:1

Nau dosa manusia nantambai kadeana, naogepa pepotove nu Alatala. Jadi, berimbamo? Mabelo ane kita batena movia dosa ala mantambai pepotove nu Alatala ka kita?

Lukas 16:31

Tapi nesana i Abraham, ‘Ane ledo rapariarara parenta Nabi Musa bo nabi-nabi ntanina, tantu ledo muni raparasayara nau maria tomate matuvu mpanjili!’ ”

Lukas 13:28

Tempo komiu manggita i Abraham, i Ishak, bo i Yakub mosanggani-nggani ante pura-pura nabi nggaulu mosusa madamba-damba ri Poparenta nu Alatala, motumangi komiu bo masusa mpuu raramiu sabana komiu rapopalai hau ri savalikuna!

Matius 5:12

Ivesia muni nipoviara ka nabi-nabi nggaulu. Jadi kadamba-dambamo raramiu ane tutu majadi nte komiu sabana naoge mpuu belo nipakasadia ka komiu ri suruga.”