Ibrani 11:19 - Kaili Ledo

¹⁹ Nipekirina Alatala nompakule mompakatuvu mpanjili tomate. Jadi namala rauli i Abraham nantarima anana mpanjili lako ri kamatena.

Ibrani 11:19 Referans Kwoze

Matius 9:28

I Yesus nesua riara banua, bo nesua munimo toburo randua haitu bo nanggaparai Ia. Nekutanamo Ia “Niparasayamiu Yaku nakuasa mompakabelo matamiu?” Nesana ira, “Iyo, Pue. Niparasaya kami.”

Efesus 3:20

Alatala masipato rabilata! Nabaraka mpuu kuasaNa anu nombatulungi kita riara katuvuta. Ante kuasaNa haitu, Alatala nompakule novia nelabipa pade pura-pura raperapita atau rapekirita.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

Roma 5:14

Tapi naupa ivesia, nompamula lako ri tempo i Adam sampe ri tempo i Musa pura-pura manusia kana mamate, nau dosara ledo nasimbayu nte dosa i Adam anu nombaliunaka anu niparenta nu Alatala ka ia. I Adam namala rapasimbayu ante tona neonga nggapurina, haitumo i Yesus. Kasimbayuna, asele anu nipoviara nambela pura-pura manusia.

Matius 12:36

Jadi pariaramo! Ri Eo Potangara bara maipiapa, pura-pura tona kana ratangguna mboto pura-pura tesana ledo noguna niulira.

Ibrani 9:9

Haitu muni naria batuana ka kita sii-sii, haitumo pedekei-pedekei bo pesomba-pesomba nipesomba ntona nangoseaka atura-atura pojanji nokolu, ledo nakuasa mompakagasa rara ntai ntopesomba ri panggita nu Alatala.