Biblia Todo Logo
Bib sou entènèt

- Piblisite -




Ibrani 10:5 - Kaili Ledo

5-6 Haitu sampe tempo i Kristus nakava ri dunia hitu, Ia nanguli ka Alatala ivei: “O Pue Alatala, ledo nipodotaMiu pesomba bo pedekei, Ledo nipokonoMiu pesomba nipalabu bo pedekei-pedekei nidekei raposompo dosa. tapi naria karoKu mboto nipakasadiaMiu.

Gade chapit la Kopi




Ibrani 10:5
26 Referans Kwoze  

I Yesus mbotomo nanjimbuaka dosa-dosata tempo Ia nipaku ri kayu salib, ala kita rakabasaka lako ri kuasa nu dosa bo matuvu mangoseaka dota nu Alatala. Bo kita nipakabelomo lako ri baka-baka i Kristus.


Bo tempo Alatala nombatudu Ana lumbuaNa makava ri dunia hitu, niuliNa muni ivei: “Pura-pura malaeka kana mombasomba AnaKu.” Mazmur 97:7


Pade niuliKu, ‘Siimo Yaku, O Pue Alatala, nasadiamo Yaku movia dotaMiu nasimbayu mpo anu nitulisi riara Buku Gasa anu nombatesaki Yaku.’ ” Mazmur 40:7-9


Kita anu niuli i Yesus ana-ana, aga manusia biasa anu mamate. Jadi haitu sampe i Yesus muni najadi manusia bo nombarasai pura-pura anu nirasaita. Ia najadi manusia ala Ia mamala mamate mompakaropu kuasa Magau nu Seta anu nombakuasai kamatea.


Bo i Kristus nangoseaka dota nu Alatala, haitumo nidekeiNa karoNa mboto majadi pesomba posompo dosa. Pesomba haitu aga sanggani, ledo paraluu rasili, apa naganamo sampe ri kasae-saena. Ivesiamo dosata pura-pura nipakalali.


Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.


Nadeamo topebagiu neumba bo hau ri njumangu dunia. Ledo niparasayara i Yesus nakava ri dunia najadi manusia. Ira haitumo nombabagiu tona ntanina bo nangeva i Kristus.


Pura-pura Pakeni nTopanggeni Pesomba nianggataka ala manggeni pedekei bo pesomba ka Alatala. Jadi i Yesus muni paraluu maria pesomba rakeniNa ka Alatala.


Nabelo mpuu pepatuduki nakana niparasayata, anu dopa nisani ntona nggaulu tapi sii-sii nipopaisani nu Alatala ka kita ivei: Ia najadi manusia bo Nosa Gasa nosabiki Ia mpuu-mpuu tona nipelisi nu Alatala. Ia nikita nu malaeka nu Alatala bo karebaNa nipatolele ka tona dopa nosisani nte Alatala. Ia niparasaya ntona ri umba-umba ri dunia bo Ia nianggataka hau ri suruga.


Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.


Nesana malaeka, “Nosa Gasa makava nte iko, bo kuasa nu Alatala toNeliu KaogeNa, maria nte iko. Haitumo sabana ngana mupoanaka rakasangai Nagasa, Ana nu Alatala.


“Tua, Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”


bo nituduna hau mompekutana i Yesus ivei: “Komiumo hii Magau Topepakasalama anu makava nangoseaka pojanji nu Alatala? Atau bara da mariapa tona ntanina rapopea kami?”


Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.


Ri bavona, i Kristus nanguli Alatala ledo nompokono pesomba bo pedekei, ledo muni nipokonoNa pesomba nipalabu bo pedekei-pedekei nidekei raposompo dosa. I Kristus notesa ivesia nau pesomba bo pedekei haitu nikeni ka Alatala nangoseaka Atura-atura agama Yahudi.


Swiv nou:

Piblisite


Piblisite