Ibrani 10:38 - Kaili Ledo

³⁸ Bo todeaKu anu nanoa ri panggitaKu, iramo matuvu mabelo sabana pomparasayara. Tapi ane moura ira, domo Kupodamba.” Habakuk 2:3-4

Ibrani 10:38 Referans Kwoze

Galatia 3:11

Nalanto mpuu ledo ria tona nireke nu Alatala nanoa lako ri pangoseakana Atura agama, apa naria tesa ntanina ri Buku Gasa nanguli ivei: “Tona najadi nanoa ri panggita nu Alatala sabana pomparasayana, iamo matuvu mabelo.”

Roma 1:17

Kareba Belo nompopaisani dala ka kita majadi manoa ri panggita nu Alatala, haitumo momparasaya i Yesus. Ledo ria dala ntanina, aga momparasaya lako ri pantepuuna sampe ri kaupuna. Apa nitulisi ri Buku Gasa ivei: <>

Matius 13:21

Tapi ledo naroso pomparasayara, nasimbayu eva tuda-tuda ledo naroso pokalena. Tempo ira nipandasa bo nipakasusa sabana nomparasaya Tesa haitu, kaliu-liu nouramo pomparasayara.

Matius 12:18

‘Siimo BatuaKu nipelisiKu. Iamo anu nipotoveKu bo nipodamba raraKu. Nosa Gasa Kudekei ka Ia Bo Ia mompatolele poparentaKu nanoa ka pura-pura tona.

1 Tesalonika 2:15

ToYahudi anu ledo nomparasaya haitumo nompatesi i Pue Yesus bo nabi-nabi nu Alatala bo ira muni nompandasa kami. Ira nangeva pura-pura manusia bo Alatala ledo ntoto nadamba nte ira.

1 Yohanes 2:19

Bali-bali i Kristus nesuvu lako nte kita, tapi kakanana ira ledo nosangu pomparasaya ante kita. Ane ira mpuu-mpuu nosangu pomparasaya ante kita, natantu ira da mosanggani-nggani ante kita. Tapi nipalaikaramo kita, jadi nisanita ira ledo mpuu nosangu pomparasaya ante kita.

Ibrani 10:39

Sampesuvu-sampesuvuku, kita hitu ledo topoura sampe rapambela pehuku, tapi kita nomparasaya Alatala bo nanggava katuvua nabelo sampe ri kasae-saena.

Yakobus 5:6

Haitu mpuu-mpuu majadi sabana komiu nombahuku bo nompatesi tona anu ledo nasala bo ledo nompakule mangeva komiu.