Ibrani 10:29 - Kaili Ledo

²⁹ Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.

Ibrani 10:29 Referans Kwoze

Ibrani 6:6

Tapi ane rakabasakara pomparasayara naupa pura-pura haitu nirasaira, ledo ria dala manggeni ira majea mpanjili lako ri dosara. Apa ane ivesia rapoviara, nasimbayu mpo nipakura mpanjili i Pue Yesus ri kayu salib, bo nanjalai Ia ri ngayo ntodea.

Efesus 4:30

Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.

1 Korintus 11:27

Jadi, isema-sema nangande roti atau nanginu uve anggur i Pue Yesus ante pekiri ledo masipato, ia nadosamo ri ngayo i Pue Yesus sabana nipandaentena karoNa bo raaNa.

Lukas 12:10

Isema-sema nompakadaa Yaku, Ana nu Manusia, mamala raampungi. Tapi isema-sema nombasalai Nosa Gasa nu Alatala, ledo raampungi.

Ibrani 2:3

Ane ivesia nte Atura nTupu, nemopa Kareba Belo anu nipatolele i Yesus! Kareba haitu nombatesaki carana kita mamala rapakasalama. Kareba haitu nelabipa kabelona pade Atura nipapola malaeka-malaekaNa nggaulu. Jadi ane ledo rapeilita kareba haitu, berimbamo kita makabasaka lako ri pehuku? Kareba haitu pamulana nipatolele i Pue Yesus mboto. Tona anu nangepe Ia nompakalanto ka kita, kareba haitu mpuu-mpuu nakana bo namala rasarumakata.

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

Ibrani 12:25

Jadi sampesuvu-sampesuvu, pakabelo-belo, nee sampe komiu ledo madota mangepe tesa niuli nu Alatala ka komiu. Apa isema-sema ledo nadota mangepe pepatora nu Alatala anu nipapola Nabi Musa ri dunia bara ipia, ira ledo rakabasaka lako ri pehuku nu Alatala. Nemopa kita anu nangepe Ia notesa lako ri suruga! Ane kita ledo madota mangepe Ia, natantumo kita muni ledo rakabasaka lako ri pehukuNa.

Ibrani 9:13

Nangoseaka pojanji nokolu, raa lako ri tovau bo japi lakina bo avu lako ri ana japi anu nipalabu rapesomba ka Alatala nikamburoroi ka tona naruto ala ira majadi magasa. Jadi iyapa raa bo avu haitu mamala mompakagasa karo ntona naruto,

1 Korintus 11:29

Apa tona anu mangande roti bo manginu uve anggur haitu bo ledo nipekirina posidaina ada haitu ante karo i Kristus, natantumo rahuku nu Alatala, sabana ia aga nompongeika kamate i Pue Yesus.

Ibrani 6:4

Sampesuvu-sampesuvu, toramo! Ledo ria dala manggeni tona majea mpanjili ane ratunggaira mombakabasaka pomparasayara. Apa bara ipia ira natuvu riara reme nu Alatala. Nitarimaramo belo lako ri suruga, bo nitarimara munimo Nosa Gasa nu Alatala.

Ibrani 2:11

I Yesus nompegasa katuvuta nadosa. Kita anu nipegasaNa bo Ia anu nompegasa kita nosangu Tuama. Haitu sampe i Yesus ledo naeya mataNa nanguli kita sampesuvuNa.

Yohanes 17:19

Tata, Kudekei katuvuKu ka Komiu bo novia dotaMiu, ala manggeni belo ka anaguruKu, haitumo ala ira mpuu-mpuu mangoseaka pepatuduki nakana bo majadi todeaMiu nagasa.”

Matius 7:6

Naupu haitu, nanguli i Yesus, “Nee radekei ka asu anu nagasa mbelaka asu aga megoli mombalopo komiu! Bo nee radekei mutiara ka bavu, apa bavu aga mombajeje bayangi mutiara haitu.”

Ibrani 13:20

Alatala nompakatuvu mpanjili Tuputa Yesus lako ri kamateNa. Jadi Ia najadi Topoevu nakuasa anu nompoevu kita bimba-bimbaNa. RaaNa nipatiti nompakaasa pojanji nu Alatala ante kita, bo pojanji haitu rapake sampe ri kasae-saena. Kuperapi Alatala, puna katuvua nabelo, mompakagana pura-pura anu nabelo niparaluumiu, ala rapakulemiu movia dotaNa. Kuperapi Ia manggeni komiu movia anu nipokonoNa ante petulungi i Yesus Kristus. Iamo masipato ratoiyata bo rabilata sampe ri kasae-saena. Amin!

Yohanes 10:36

nemopa Yaku! Apa Yakumo hii nipelisi nu Alatala bo nituduNa tumai ri dunia! Jadi nakuya niulikamiu Yaku nompandaente Alatala sabana niuliKu Yakumo hii Ana nu Alatala?

Ibrani 9:20

Niulikana ira, “Hitumo raa mompakaasa pojanji nipakatantu nu Alatala ka komiu.”

1 Korintus 15:25

Apa i Kristus kana moparenta mpo Magau sampe pura-pura baliNa rapopekou nu Alatala nte Ia.

Roma 16:20

Kuperapi Alatala, anu nombadekei katuvua nabelo, masalisa mompakaropu kuasa Magau nu Seta bo radekeiNa ka komiu kuasa mombadagina. Kuperapi kabelo rara nTuputa Yesus Kristus bate-batena maria nte komiu.

Matius 26:28

sabana hitumo raaKu rapatiti ka todea ngena ala mompakaasa Pojanji nu Alatala nabaru. RaaKu hitu rapatiti ka todea ala dosa-dosara raampungi.

1 Korintus 15:27

Nitulisi riara Buku Gasa ivei: “Alatala mompopekou pura-pura anu naria ri ngayoNa.” Mazmur 8:7 Jadi nisanita pura-pura mekou nte i Kristus. Aga Alatala mboto ledo mekou nte i Yesus, sabana Iamo anu nompopekou pura-pura anu naria nte i Kristus.

Markus 7:2

Nikitara bara sako-ndua anaguru i Yesus nangande mpale, bo palera nireke naruto apa ledo nemanjo nantuntuni ada ntoFarisi.

1 Korintus 6:11

Bara ipia bara sako-ndua komiu nokainggu ivesia muni. Tapi katuvumiu nipakagasa nu Alatala. Komiu najadi todeaNa nipatani ka Ia, bo komiu nipakanoa ri panggitaNa. Haitu pura-pura najadi ante kuasa Nosa Gasa nu Alatala sabana komiu nomparasaya i Pue Yesus Kristus.

Efesus 5:26

PatujuNa ala kita majadi todea nu Alatala. NipegasaNa kita nadosa sabana kita nomparasaya tesaNa bo kita nidiu nte uve tandana kita topangoseaka Ia.

Ibrani 4:14

Jadi nariamo Pakeni nTopanggeni Pesomba anu naoge mpuu, Iamo i Yesus, Ana nu Alatala. Ia noliu ri langi bo nesua ri suruga ri ngayo nu Alatala ala mantulungi kita. Jadi kita kana maroo momparasaya bo nee menonto mangaku i Yesusmo Tuputa.

Ibrani 10:10

Bo i Kristus nangoseaka dota nu Alatala, haitumo nidekeiNa karoNa mboto majadi pesomba posompo dosa. Pesomba haitu aga sanggani, ledo paraluu rasili, apa naganamo sampe ri kasae-saena. Ivesiamo dosata pura-pura nipakalali.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.