Ibrani 10:25 - Kaili Ledo

²⁵ Nee menonto masiromu metupu mosanggani-nggani, mpo kabiasa ntona sanu. Tapi kita kana mosipakaroso rara, nelabipa sii-sii sabana nisanita naparamo kakava i Yesus.

Ibrani 10:25 Referans Kwoze

Suro-Suro 2:42

Topangoseaka i Yesus nabaru haitu natutu mpuu nangepe pepatuduki nu suro-suro, bo ira nasaro nasiromu nosanggani-nggani. Ira nasaro nangande nosanggani-nggani nombatubi roti mantora kamate i Yesus, bo nosambaya nosanggani-nggani.

Matius 18:20

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

1 Tesalonika 5:11

Sabana haitu, sampesuvu-sampesuvu, posipakadidimo raramiu, bo posipakarosomo pomparasayamiu mpo anu nipoviamiumo.

Ibrani 3:13

Tapi eo-eo komiu kana mosipakaroso rara ala ledo maria komiu rabagiu nu dosa sampe bagamiu majadi makaa. Posipakaroso raramiu ane komiu da natuvu ri tempo niuli ri Buku Gasa “eo hitu”, batuana, kamba da naria loga.

Ibrani 10:24

Bo kita kana mompekirika berimba kita mamala mosipakaroso rara sampe kita pura-pura mosimpotove bo mokainggu nabelo.

1 Tesalonika 4:18

Sabana haitu, sampesuvu-sampesuvu, posipakavoemo raramiu ante pepatuduki hitu.

Suro-Suro 2:1

Nanggava eo mbaso ntoYahudi anu niuli Eo Pentakosta, pura-pura topangoseaka i Yesus ri sia nasiromu ri sangu banua.

Suro-Suro 20:7

Bongi Aka, kami nasiromu nangande nosanggani-nggani ante topomparasaya ri ngata Troas. I Paulus notesa sampe tanga bongi, apa patujuna maile mpadondona mompapola polipana.

1 Korintus 14:3

Tapi ane tona nompasimbayu tesa nu Alatala, ia notesa ka manusia bo tesana haitu nompakaroso rara roa ntanina bo nompakadidi rarara, bo nompakavoe rarara.

Roma 12:8

Isema-sema nidekeika pompakule mompakaroso rara ntona ntanina, kana rapakarosona mpuu-mpuu. Isema-sema nidekeika pompakule mombadekei anu naria nte ia ka tona ntanina, kana radekeina ante joi rarana. Isema-sema nidekeika pompakule manggeniaka todea, kana rakeniakana ira ante rarana mpuu-mpuu. Isema-sema nidekeika pompakule mompoasi tona nandasa, kana rapoasina ante damba rarana.

Filipi 4:5

Kusarumaka pura-pura tona manggita kabelo raramiu. Toramo! Domo masae makava i Pue Yesus.

2 Petrus 3:9

Nadea tona nanguli i Pue nokalera nompakadupa pojanjiNa makava mpanjili ri dunia. Tapi Ia ledo nokalera. Ia dopa nakava sabana Ia nosabara nte komiu, Ia madota ala ledo maria saitoa tona rahuku sampe ri kasae-saena. DotaNa, ala pura-pura tona manggava loga majea lako ri dosara.

Yakobus 5:8

Komiu muni kana mosabara bo maroo rara, apa naparamo eo kakava nTupu.

1 Korintus 14:23

Rapana komiu topomparasaya masiromu sanggani bo pura-pura komiu mompake basa-basa nopuna lako nte Nosa Gasa. Ane maria tona dopa nisanina Tesa nu Alatala atau tona ledo nomparasaya mesua ri sia, nuapa majadi? Natantumo rapekirira komiu togila.

Yudas 1:19

Tona haitumo nompakagero kasintuvu ntopomparasaya. Ira nikuasai dota-dota rarara nadaa, bo Nosa Gasa nu Alatala ledo ntoto naria nte ira.

2 Petrus 3:14

Sampesuvu-sampesuvu nipotoveku, komiu nompopea kajadia-kajadia haitu, jadi pasimbukumo ala pokainggumiu mabelo bo ledo maria anu rasalai atau mepakaeya ri panggita nu Alatala. Bo pasimbukumo matuvu mosinggabelo ante Ia.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

2 Petrus 3:11

Jadi sampesuvu-sampesuvu, ane pura-pura anu naria kana maropu ivesia, berimbamo kita? Natantumo kita masipato mangoseaka dota nu Alatala bo matuvu ante pokainggu magasa.

1 Korintus 11:20

Tempo komiu nasiromu mosanggani-nggani, pokainggumiu ledo masipato ka tona masiromu mangande roti bo manginu uve anggur mantora kamate i Pue Yesus.

1 Korintus 3:13

Rapana ane mapapu banua, tantu pareva nabelo nipake novia banua haitu maboli, tapi pareva ledo nabelo mapapu puramo. Ivesia muni ante pokarajaa ntopokarajaa ka Alatala. Kabelo nu pokarajaara saito-saito kana rapakalanto bara maipia tempo i Yesus makava mpanjili ri dunia. Pokarajaara haitu rauji nu Alatala ala malanto pokarajaara haitu bara mabelo bara ledo.

Suro-Suro 16:16

Naria sanggani, tempo kami hau ri posiromu posambaya pangane, kami nosinggavaka saito batua mombine. Mombine haitu nipesua nu seta anu natau nombaboto anu majadi ri tempo makava. Ia nombaboto rasi ntona, jadi nadea saro nikavana ka tona nompobatua ia.

Matius 10:15

Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”

Yohanes 12:48

Tona nompoara Yaku bo ledo nompariara tesaKu, naria anu mombahuku ira. TesaKu haitu mombahuku ira ri kaupu nu dunia,

Ibrani 10:37

Sabana riara Buku Gasa nitulisi ivei: “Domo ntoto masae, Ia anu makava haitu, makava mpuumo. Ia ledo mombasoro-soro kakavaNa haitu.

Ibrani 13:22

Sampesuvu-sampesuvu, kuperapi nte komiu posabaramo mangepe tesa nitulisiku hitu, sabana suraku hitu ledo nandoe ntoto.