Ibrani 1:6 - Kaili Ledo

⁶ Bo tempo Alatala nombatudu Ana lumbuaNa makava ri dunia hitu, niuliNa muni ivei: “Pura-pura malaeka kana mombasomba AnaKu.” Mazmur 97:7

Ibrani 1:6 Referans Kwoze

Kolose 1:18

Kita anu nomparasaya i Kristus namala rarapaka karoNa, bo i Kristus balenggata. Balenggata nompakasiayu karota, ivesia muni Ia nompakasiayu todea topomparasaya Ia. Bo Iamo nombadekei katuvu nabaru ka kita. Iamo Lumbua; batuana, Iamo anu paratama natuvu mpanjili lako ri kamatena. Sabana haitu pura-pura, Iamo naogepa pade pura-pura anu naria.

Kolose 1:15

Alatala ledo nikita. Tapi ane nisanita inggu bo kuasa nu AnaNa, nisanita muni inggu bo kuasa nu Alatala. Namala raulita AnaNa haitu Lumbua, haitumo kuasaNa nelabipa pade pura-pura anu nipajadi nu Alatala.

1 Petrus 3:22

Bo i Yesus neore hau ri suruga bo sii-sii nonturo ri ponturo nibila ri panggana nu Alatala bo nomparenta nosanggani-nggani nte Ia. Bo pura-pura malaeka bo topoparenta bo tonakuasa ri laerava natundu nte Ia.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

1 Yohanes 4:9

Alatala nompopaisani toveNa ka kita ivei: nituduNa AnaNa saito-itoNa tumai ri dunia ala kita mamala matuvu mabelo sampe ri kasae-saena.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

Ibrani 10:5

Haitu sampe tempo i Kristus nakava ri dunia hitu, Ia nanguli ka Alatala ivei: “O Pue Alatala, ledo nipodotaMiu pesomba bo pedekei, Ledo nipokonoMiu pesomba nipalabu bo pedekei-pedekei nidekei raposompo dosa. tapi naria karoKu mboto nipakasadiaMiu.

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Ibrani 1:5

Nalantomo kaoge i Yesus apa ledo ria sanggania Alatala notesa ka malaekaNa ivei: “Ikomo AnaKu, eo hitu Yaku najadi TuamaMu!” Mazmur 2:7 Bo ledo ria sanggania Alatala nanguli ka malaekaNa ivei: “Yaku majadi TuamaMu, bo Iko majadi AnaKu.” 2 Samuel 7:14 Tapi niuliNa ivehaitu ka AnaNa mboto.

Matius 24:14

Bo Kareba Belo nu Poparenta nu Alatala kana rapatolele ri njumangu dunia ala pura-pura manusia mamala mangepena. Maupu haitu, pade makava kaupu nu dunia.”