Galatia 4:8 - Kaili Ledo

⁸ Bara ipia, dopame nisanimiu Alatala, komiu nipobatua nu tupu-tupu ntanina anu nisarumakamiu nakuasa, tano mai, ledo Alatala.

Galatia 4:8 Referans Kwoze

1 Korintus 8:4

Jadi ane motesa kandea nipakande ka tupu-tupu ntanina, nisanitamo pinoito nogambara anu ledo nakana. Bo nisanita muni Alatala aga saito, ledo ria ntanina.

2 Tesalonika 1:8

bo ante apu navaya-vaya. Ia manau mombahuku tona ledo nadota nompeili Alatala bo ledo nadota nangoseaka Kareba Belo anu notesaki Tuputa Yesus.

1 Tesalonika 4:5

Nee aga matuvu nte bereimiu mangoseaka dota nu rara mabuga, anu biasa najadi nte tona ledo nosisani nte Alatala.

1 Tesalonika 1:9

Ira mboto notesa ka kami berimba komiu toTesalonika nantarima kami tempo kami nakava nte komiu bara ipia. Bo nitesara muni berimba komiu nenonto netupu nte viata-viata bo nompamula netupu nte Alatala anu natuvu bo nakana.

1 Petrus 4:3

Apa naganamo logamiu bara ipia nangoseaka pokainggu-pokainggu ntona ledo nosisani nte Alatala. Bara ipia komiu aga natuvu nangoseaka dota raramiu nadaa ante pokainggu naruto, komiu nabiasa nalangu-langu, komiu nasiromu nangande mpebasa bo nanginu, bo komiu nompakande tupu-tupu ntanina, pokainggu anu nepakarunggu.

1 Korintus 1:21

Alatala napande mpuu, bo nipakatantuNa manusia ledo mamala mosisani ante Ia ane aga manjarumaka kapandera mboto. Tapi nibotusiNa mompakasalama isema-sema momparasaya Kareba Belo nipatolele kami. Tano mai tona ri dunia nanguli Kareba haitu aga tesa ntodoyo.

Efesus 4:18

bo ledo nipahara nuapa-nuapa. Katuvu nabaru lako nte Alatala ledo naria nte ira sabana ledo ntoto nisanira pepatuduki nakana anu notesaki Alatala. Ledo nisanira sabana nakaa bagara.

1 Korintus 12:2

Nisanimiu mbotomo tempo komiu dopa nomparasaya i Yesus, komiu nasaro nasalandala nikeniaka ntupu-tupu ntanina anu ledo nosuara.

1 Yohanes 3:1

Namovo mpuu kaoge tove nu Alatala ka kita sampe kita niuliNa ana-anaNa! Bo kita mpuu-mpuu ana-anaNa mami. Tona ledo nomparasaya i Yesus ledo nisanira kita ana-ana nu Alatala, sabana ira mboto ledo nosisani ante Alatala.

Roma 1:28

Tona gahaitu ledo nadota mosisani ante Alatala. Jadi Alatala nompalamba ira rakeniaka mpekirira nadaa sampe ira novia anu ledo masipato rapoviara.

Suro-Suro 17:23

Apa tempo yaku nanjayo-njayo riara ngatamiu nikitaku nadea pompakande viata. Bo nikavaku sangu pompakande anu naria nitulisi, ‘Pompakande ka Tupu Ledo Nisani SangaNa.’ Tupu haitu nisombamiu, nau ledo nisanimiu sangaNa. Tupu haitumo kupopaisani ka komiu ri sii.

Suro-Suro 14:12

I Barnabas niulira viata nosanga i Zeus, bo i Paulus niulira viata nosanga i Hermes, apa iamo topotesa.

Yohanes 1:10

Tesa nu Alatala naria mamimo ri dunia, tapi nau Ia nipopale nu Alatala nompajadi dunia, manusia ri dunia ledo nadota nangisaniNa.

Roma 1:23

Ira ledo nadota netupu nte Alatala anu batena natuvu bo ledo mamate. Ira aga netupu nte anu nipoviara mboto nolenje mpo manusia, mpo tonji, mpo ule, bo mpo binata ntanina, anu kana mamate.

Galatia 4:3

Ivesia muni kita. Dopame nisanita pepatuduki nakana, kita nipobatua anu daa, anu nombakuasai dunia hitu.