Galatia 3:2 - Kaili Ledo

² Aga sangaya madota kusani lako nte komiu. Komiu nantarima Nosa Gasa nu Alatala sabana nangoseaka Atura agama? Atau nangepe bo nomparasaya Kareba Belo i Kristus? Tantu nitarimamiu Nosa Gasa apa niepemiu bo niparasayamiu Kareba Belo.

Galatia 3:2 Referans Kwoze

Galatia 3:14

Patuju i Kristus nombadekei karoNa rapatesi ivesia, ala tona ledo toYahudi mamala muni manggava belo nasimbayu ante belo nijanji nu Alatala ka i Abraham nggaulu. Belo haitu ratarimara sabana ira nosangu rara nte i Yesus Kristus. Ivesia muni kita anu nomparasaya i Kristus manggava Nosa Gasa anu nijanji nu Alatala nggaulu.

Suro-Suro 15:8

Bo Alatala anu nangisani isi rara ntai manusia, nantarima tona ledo toYahudi. Nisanita, sabana nidekeiNa Nosa GasaNa ka ira, nasimbayu mpo nidekeiNa ka kita muni.

Galatia 3:5

Alatala najoi raraNa nompopanau Nosa GasaNa ka komiu bo nipoviaNa kabaraka-kabaraka ri tatangamiu. Jadi berimba? NipoviaNa pura-pura haitu sabana komiu nangoseaka Atura agama? Tantu ledo! NipoviaNa pura-pura haitu sabana komiu nangepe bo nomparasaya Kareba Belo i Kristus!

Ibrani 2:4

Bo Alatala mboto nompakalanto kareba nipatolelera mpuu-mpuu nakana. Apa nipoviaNa mpengaya-ngaya kabaraka bo tanda nipokumaaka, bo nipaleleNa pompakule lako ri Nosa GasaNa nangoseaka dotaNa mboto.

Suro-Suro 8:15

Tempo i Petrus bo Yohanes nakava hamai, niposambayakara toSamaria anu nomparasaya i Yesus ala Nosa Gasa nu Alatala manau nte ira.

Suro-Suro 2:38

Nesanamo i Petrus, “Kajeamo lako ri dosa-dosamiu, bo komiu kana radiu saito-saito, tandana komiu nomparasaya i Yesus Kristus, bo Alatala mombaampungi komiu bo mombadekei Nosa GasaNa ka komiu.

Ibrani 6:4

Sampesuvu-sampesuvu, toramo! Ledo ria dala manggeni tona majea mpanjili ane ratunggaira mombakabasaka pomparasayara. Apa bara ipia ira natuvu riara reme nu Alatala. Nitarimaramo belo lako ri suruga, bo nitarimara munimo Nosa Gasa nu Alatala.

Roma 1:17

Kareba Belo nompopaisani dala ka kita majadi manoa ri panggita nu Alatala, haitumo momparasaya i Yesus. Ledo ria dala ntanina, aga momparasaya lako ri pantepuuna sampe ri kaupuna. Apa nitulisi ri Buku Gasa ivei: <>

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

2 Korintus 11:4

Nitesa kamimo i Yesus ka komiu bara ipia, bo nitarimamiumo Nosa Gasa bo niparasayamiumo Kareba Belo. Tapi hitupa nikitaku komiu nadamba nantarima tona ntanina anu nombatesa Yesus ntanina. Bo nasadia muni komiu nantarima kuasa ntanina bo nomparasaya kareba ntanina.

1 Korintus 9:21

Ivesia muni ane yaku nosanggani-nggani nte tona ledo nisanina Atura-atura agama Yahudi, yaku nokainggu mpo tona ledo nangisani Atura-atura haitu. Patujuku ala mamala kukeni ira momparasaya i Yesus. Tapi nee rauli yaku ledo nangoseaka parenta-parenta nu Alatala, apa yaku hii mpuu-mpuu nangoseaka parenta-parenta i Kristus!

Galatia 3:3

Jadi nakuya komiu nadoyo gaga? Lako ri pamulana komiu nomparasaya i Kristus, nitarimamiu katuvu nabaru lako ri kuasa Nosa Gasa. Rapakulemiu mompapola katuvu nabaru ante pompakulemiu mboto? Tantu ledo!

Ibrani 4:2

Apa kita muni nangepe Kareba Belo nu Alatala nasimbayu mpo totuata nggaulu. Tapi kareba niepe ntotuata ledo ria gunana ka ira, sabana aga niepera bayangi, ledo niparasayara kareba haitu.