Galatia 1:1 - Kaili Ledo

^1-2 Sampesuvu-sampesuvu sampomparasaya i Yesus anu nasiromu ri umba-umba ri propinsi Galatia: Sura hitu lako nte yaku i Paulus, suro i Yesus Kristus. Yaku ledo nisuro nu manusia bo ledo muni nianggataka nu manusia majadi suro. Tapi yaku nianggataka i Yesus Kristus mboto bo Tuamata Alatala anu nompakatuvu Ia mpanjili lako ri kamateNa. Nadea tabe lako nte yaku, i Paulus, bo lako nte pura-pura sampesuvuta sampomparasaya anu nosanggani-nggani ante yaku ri sii.

Galatia 1:1 Referans Kwoze

1 Korintus 1:1

Sampesuvu-sampesuvu, todea nu Alatala ri ngata Korintus: Komiu nipelisi nu Alatala majadi todeaNa mboto sabana komiu nosangu rara ante i Yesus Kristus. Komiu nipokio majadi todea nu Alatala mosanggani-nggani ante pura-pura tona ri umba-umba dunia anu nekakai nte i Yesus Kristus, Tupura bo Tuputa muni. Sura hitu lako nte kami, i Paulus bo sampesuvuta sampomparasaya i Sostenes. Yaku nipelisi nu Alatala majadi suro i Yesus Kristus nangoseaka dota nu Alatala mboto.

Pompakita 1:5

bo lako nte i Yesus Kristus. Iamo sabi anu namala raparasaya, Iamo tona paratama nipakatuvu mpanjili lako ri kamateNa. Iamo nomparenta pura-pura magau riara dunia. Ia nompotove kita bo nombakabasaka kita lako ri dosata ante raa kamateNa.

Roma 1:1

Sampesuvu-sampesuvu ri ngata mbaso Roma: Sura hitu lako nte yaku i Paulus, batua i Yesus Kristus. Alatala nompelisi bo nombasuro yaku mompatolele Kareba Belo lako nte Ia.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Titus 1:3

Sii-sii ri tempo nipakatantuNa mboto, nipopaisani nu Alatala mpuumo pojanjiNa haitu ka manusia riara karebaNa anu nipatoleleku. Kareba Belo haitu niparasayaNa ka yaku bo nipatoleleku nangoseaka parenta nu Alatala, Topompakasalama kita.

2 Korintus 1:1

Sampesuvu-sampesuvu todea nu Alatala ri ngata Korintus bo pura-pura topomparasaya ri njumangu propinsi Akhaya: Sura hitu lako nte yaku, i Paulus, bo i Timotius sampesuvuta sampomparasaya. Yaku nipelisi nu Alatala najadi suro i Yesus Kristus nangoseaka dotaNa.

2 Timotius 1:1

Timotius, iko nipotoveku mpo anaku mboto: Sura hitu lako nte yaku, i Paulus. Nangoseaka dota nu Alatala, yaku nianggatakaNa majadi suro i Yesus Kristus ala mompatolele kareba anu nantesa katuvu mabelo sampe ri kasae-saena anu nijanji nu Alatala. Kita nanggava katuvu nabelo haitu sabana kita nosangu rara nte i Yesus Kristus. Kuperapi Tuamata Alatala bo Tuputa Yesus Kristus mompoasi iko bo mombadekei belo bo katinonto ka iko.

Roma 10:9

Ane kita mompangaku ante sumbata, <> bo ane kita momparasaya riara ntaita Alatala nompakatuvu mpanjili Ia lako ri kamateNa, kita rapakasalama.

Suro-Suro 22:10

Jadi nekutana vai yaku, ‘Nuapa masipato kupovia, Pue?’ Nesanamo i Pue, ‘Peanggamo! Koimo pesua ri ngata Damsyik. Hamai pade rauli ka iko pura-pura anu nipakatantu nu Alatala kana mupovia.’

Suro-Suro 9:6

Jadi peanggamo! Koimo pesua riara ngata moitu. Hamai pade rauli ka iko anu masipato mupovia.”

Pompakita 2:8

Naupu haitu nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Smirna ivei: “Hitumo tesa lako nte Yaku anu niuli Pamulana bo Kaupuna, anu namatemo bo natuvu mpanjili.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

Ibrani 13:20

Alatala nompakatuvu mpanjili Tuputa Yesus lako ri kamateNa. Jadi Ia najadi Topoevu nakuasa anu nompoevu kita bimba-bimbaNa. RaaNa nipatiti nompakaasa pojanji nu Alatala ante kita, bo pojanji haitu rapake sampe ri kasae-saena. Kuperapi Alatala, puna katuvua nabelo, mompakagana pura-pura anu nabelo niparaluumiu, ala rapakulemiu movia dotaNa. Kuperapi Ia manggeni komiu movia anu nipokonoNa ante petulungi i Yesus Kristus. Iamo masipato ratoiyata bo rabilata sampe ri kasae-saena. Amin!

Galatia 1:17

Yaku ledo muni kaliu-liu hau ri ngata Yerusalem manggita ira anu najadi suro i Yesus nokolupa pade yaku. Tapi yaku hau ri tana Arab, bo lako ri tana Arab nanjili vai hau ri ngata Damsyik.

Roma 14:9

Haitumo sabana i Yesus Kristus namate bo natuvu mpanjili lako ri kamateNa, ala Ia mamala majadi Tupu nu pura-pura manusia, nau tona da natuvu nau tona namatemo.

Yohanes 20:21

Nanguli vaimo i Yesus, “Kuperapi Alatala mompakatinonto raramiu! Yaku mombasuro komiu, nasimbayu mpo TuamaKu nombasuro Yaku.”

Yohanes 10:30

Yaku bo TuamaKu ledo ria posisalana, aga saito.”

Yohanes 5:19

Jadi nanguli i Yesus ka pakeni ntoYahudi haitu, “Pariaramo tesaKu hitu. Yaku ledo mamala movia nuapa-nuapa nangoseaka dotaKu mboto, tapi anu nikitaKu lako nte TuamaKu, haitumo nipoviaKu. Nuapa-nuapa nipovia nTuamaKu, haitu muni Kupovia.

Suro-Suro 3:15

Komiumo nombatudu tona nompatesi Ia, tano Iamo topombadekei katuvu nabelo sampe ri kasae-saena ka manusia. Bo Alatala nompakatuvu mpanjili Ia lako ri kamateNa. Kami najadi sabiNa, sabana kami mboto nanggita i Yesus natuvu mpanjili.

Galatia 1:15

Tapi dopame yaku nipoanaka, Alatala nompelisi yaku bo nompokio yaku majadi suroNa lako ri kabelo nu raraNa.