Filipi 2:3 - Kaili Ledo

³ Nuapa-nuapa rapoviamiu, nee aga mangelo kauntu mboto atau mantoiya karo mboto, tapi aginamo rapakaedemiu raramiu bo manguli roamiu naogepa pade komiu mboto.

Filipi 2:3 Referans Kwoze

Roma 12:10

Posimpotovemo mpo posimpotove ntali sampesuvu. Bila ntanimo roamiu pade karomiu mboto.

Galatia 5:26

Nee kita mompakalanga rarata, nee mosipodua rara bo nee masiriati.

Efesus 5:21

Pekoumo nte roamiu ntanina sampomparasaya sabana komiu nombabila i Kristus.

Efesus 4:2

Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

1 Petrus 5:5

Ivesia muni komiu da namuda. Komiu kana mekou nte totua. Bo komiu topomparasaya pura-pura kana mompakaede raramiu bo mositulungi. Apa nitulisi riara Buku Gasa: “Alatala nangeva tona nalanga rarana, tapi nipoasiNa tona naede rarana.” Amsal 3:34

Filipi 2:14

Nau bara nuapa rapoviamiu, nee mongau atau mosinggarau,

Galatia 5:15

Tapi ane komiu batena nosinggarau bo nosipodua rara, pakabelo-belo! Magero singgani-ngganimo komiu ngena!

1 Timotius 6:4

Tona haitu nalanga rarana. Ia netitau tapi ledo nisanina nuapa-nuapa. Ia aga nagila nangelo saba bo nosinjanai ka batua nu tesa. Pepatudukira haitu aga nanggeni tona nasiriati, nosinggarau, nosiuli-uli, nosirai,

Lukas 18:14

Nanguli i Yesus, “Kuuli ka komiu, tempo ira randua nanjili, topesingara balasitee nitarima nu Alatala, tapi toFarisi ledo. Apa, isema-sema nompakaoge karona mboto, kana rapakaede nu Alatala, tapi isema-sema nompakaede rarana, kana rapakaoge nu Alatala.”

Kolose 3:8

Tapi sii-sii kabasakamo pura-pura pokainggu nadaa. Nee marau, nee monasu, nee mompakadaa roa, nee metunturaka, bo nee sampe maria tesa-tesa nasuloka mesuvu lako ri sumbamiu.

2 Korintus 12:20

Apa nakini raraku, nee-nee ane yaku tou nte komiu kukava komiu ledo mpo anu nisarumakaku, bo pokaingguku nte komiu ledo mpo anu nisarumakamiu. Nee-nee kukava komiu mosinggarau, bara masiriati, bara marau, bara aga mompekirika karo mboto. Nee-nee kukava komiu mosisalai bara mositunturaka bara malanga rara bara mompakagado todea topomparasaya.

1 Korintus 3:3

apa komiu da nangoseaka dota raramiu nadaa. Komiu da nasiriati bo nosipobali. Pokainggu ivehaitu nompopakita komiu da nangoseaka dota raramiu nadaa nasimbayu mpo tona ledo nosisani ante Alatala.

1 Korintus 15:9

Yaku hii suro i Yesus natueipa pade suro-suro ntanina. Kakanana yaku hii ledo masipato rauli suro i Yesus sabana yaku nompandasa todea topomparasaya Ia bara ipia.

Roma 13:13

Kita kana matuvu ante pokainggu masipato ka tona natuvu riara karemena. Nee masiromu mangande mompebasa bo manginu sampe malangu. Nee mosipogau ante tona ledo bereimiu mboto bo nee mangoseaka dota raramiu nadaa. Nee mosinggarau atau masiriati.

Roma 2:8

Tapi ane tona aga nompekirika karora mboto, bo ledo nadota nangoseaka dota nu Alatala, tapi aga nangoseaka dota nu rarara nadaa, tona gahaitumo rapokarau nu Alatala bo rapambela pehuku.

Kolose 3:12

Sampesuvu-sampesuvu, kita nipotove nu Alatala bo nipelisiNa majadi todeaNa nagasa. Haitu sampe kita kana maasi matata manggita roa. Kita kana mabelo rara, maede rara, malusu rara, bo mosabara nte roa.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.