Filipi 2:26 - Kaili Ledo

²⁶ Nalentoramo rarana nte komiu pura-pura, bo nasusa rarana sabana niepemiu ia nadua.

Filipi 2:26 Referans Kwoze

Filipi 1:8

Nalentora mpuu raraku nte komiu, apa pompotoveku komiu nasimbayu mpo pepotove i Yesus Kristus mboto. Nisani nu Alatala tesaku hitu nakana.

Efesus 3:13

Jadi, sampesuvu-sampesuvu, kuperapi nte komiu, nee maupu raramiu nangepe yaku nitarunggu, sabana pura-pura kasusa nirasaiku sii-sii manggeni belo ka komiu.

Roma 12:15

Ane roamiu madamba, komiu kana madamba mosanggani-nggani ante ia, bo ane roamu motumangi nabuku rarana, komiu kana motumangi mosanggani-nggani ante ia.

Filipi 4:1

Jadi, sampesuvu-sampesuvu nipotoveku bo nipolentoraku. Komiu mpuu-mpuu nompakadamba raraku, bo nasana mpuu raraku sabana pomparasayamiu asele pokarajaaku nompatolele Kareba Belo. Nantora anu niuliku pangane, nee molengga-lengga momparasaya bo mangoseaka i Pue Yesus.

Roma 9:2

nabuku mpuu raraku bo ledo naupu kasusa raraku nompekirika sampesuvuku toYahudi apa ledo nadea ira nomparasaya i Yesus.

Matius 26:37

NikeniNa i Petrus bo randua ana i Zebedeus nosanggani nte Ia. Hamai nompamulamo i Yesus nasusa bo napari raraNa.

Matius 11:28

Isema-sema nalenge bo nantamo panggenina, kamaimo nte Yaku! Yaku mompakangaa ia.

1 Petrus 1:6

Komiu kana madamba-damba sabana belo nisarumakamiu haitu. Komiu kana madamba naupa sii-sii tempo komiu da natuvu ri dunia komiu nombarasai kasusa bo nambela mpengaya-ngaya pesori.

Filipi 1:3

Sampesuvu pura-pura, nggani-nggani yaku nantora komiu, niuliku tarima kasi ka Tupuku Alatala.

Galatia 6:2

Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

2 Korintus 9:14

Bo ira mosambayani komiu ante tovera apa pepotove nu Alatala anu nikita riara nggatuvumiu mpuu-mpuu naoge.

1 Korintus 12:26

Ane nadua sangu sipa, pura-pura sipa nu karo haitu nombarasaina muni. Ane sangu sipa nibila, pura-pura sipa nu karo muni nadamba.

Roma 1:11

Apa naoge mpuu raraku mosinggava nte komiu ala yaku mamala mombabagi pedekei nu Alatala ka komiu, haitumo Nosa Gasa anu mompakaroso pomparasayamiu.

Suro-Suro 21:13

Tapi nesana i Paulus, “Nakuya komiu notumangi nompakabuku raraku? Yaku hii nasadiamo hau ri ngata Yerusalem nau yaku rasaka, nau sampe rapatesi sabana pangoseakaku i Pue Yesus!”

Filipi 2:25

Ane sampesuvuta i Epafroditus, anu nitudumiu bara ipia tumai mombatulungi yaku, nipekiriku kana kutudu manjili tou nte komiu vai ia. Ia roaku sampokarajaa anu nosanggani-nggani ante yaku nompatolele Kareba Belo i Kristus nau nieva ntona.

Filipi 2:27

Nakana mpuu ia nadua, sakidepa namate. Tapi nabelomo ia sabana Alatala naasi mataNa nanggita ia. Ledo aga ia nipoasi mata nu Alatala, yaku muni, apa ane i Epafroditus mamate mpuu, mantambai kasusa raraku.