Filipi 2:25 - Kaili Ledo

²⁵ Ane sampesuvuta i Epafroditus, anu nitudumiu bara ipia tumai mombatulungi yaku, nipekiriku kana kutudu manjili tou nte komiu vai ia. Ia roaku sampokarajaa anu nosanggani-nggani ante yaku nompatolele Kareba Belo i Kristus nau nieva ntona.

Filipi 2:25 Referans Kwoze

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Kolose 1:7

Kabelo nu Alatala niepemiu lako nte i Epafras, roa kami sampokarajaa nipotove kami. Ia batua i Kristus anu natutu nokarajaa nantulungi komiu.

Filipi 4:3

Bo kuperapi muni nte vega rapaku i Sunsugos, tulungimo mombine randua pangane ala ira mosangu rara mpanjili. Ira nokarajaa ntamo ante yaku nompatolele Kareba Belo nasimbayu mpo i Klemens bo roa-roaku ntanina sampokarajaa. Sangara nitulisi riara Buku Katuvua, anu nompakatantu isema masipato matuvu mabelo sampe ri kasae-saena.

1 Korintus 3:9

Apa kami bo i Apolos nosampokarajaa ante Alatala, bo komiumo nirapaka talua nu Alatala. Komiu muni nirapaka banua nu Alatala.

Filemon 1:24

Tarima muni tabe lako nte roaku sampokarajaa, haitumo i Markus, i Aristarkhus, i Demas bo i Lukas.

Ibrani 3:1

Jadi, sampesuvu-sampesuvuku anu nipelisi nu Alatala bo nipokioNa matuvu mabelo ri suruga. Pekirimo pakabelo-belo i Yesus hitu. Ia nisuro nu Alatala najadi Pakeni nTopanggeni Pesomba ri agama nioseakata.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

Kolose 4:11

Tabe muni lako nte i Yesus anu nidae i Yustus. Lako ri pura-pura toYahudi anu nomparasaya i Kristus, aga ira tatalu nokajaraa nte yaku sii-sii nangelo tona majadi todea ri Poparenta nu Alatala. Ira mpuu-mpuu nantulungi yaku.

2 Korintus 2:13

Tapi ledo natinda raraku sabana ledo niposinggavakuka sampesuvuta i Titus hamai, anu manggeni kareba lako nte komiu. Haitumo sabana yaku nopalakanamo nte toTroas, bo napola hau ri propinsi Makedonia.

Yohanes 17:18

NituduKu ira hau nte tona ntanina riara dunia hitu, nasimbayu mpo Yaku nituduMiu tumai ri dunia.

Yohanes 13:16

Pariaramo tesaKu hitu, batua ledo naogepa pade madikana. Ivesia muni tona nitudu ledo naogepa pade topetudu.

Roma 16:3

Pakavote tabeku ka i Priskila bo i Akwila. Ira njamboko roaku sampokarajaa nanggeni Kareba Belo i Yesus Kristus.

Roma 16:9

Pakavote tabeku ka i Urbanus, roata sampokarajaa nompatolele Kareba i Kristus. Bo pakavote tabeku ka i Stakhis nipotoveku.

Filipi 2:26

Nalentoramo rarana nte komiu pura-pura, bo nasusa rarana sabana niepemiu ia nadua.