Filemon 1:13 - Kaili Ledo

¹³ Ane kuoseaka dotaku mboto, kutaamaka ia ri sii nte yaku ala ia manjambei karomu mantulungi yaku anu da nitarunggu ri sii sabana nompatolele Kareba Belo.

Filemon 1:13 Referans Kwoze

Filipi 1:7

Masipato yaku mantora komiu pura-pura ivesia, apa komiu mpuu-mpuu nipotoveku bo komiu pura-pura nantulungi yaku novia pokarajaa nidekei nu Alatala ka yaku. Komiu nasaro nantulungi yaku, tempo yaku nitarunggu sii-sii, bo muni tempo yaku nanjaliku Kareba Belo bara ipia bo nompakalanto ka tona Kareba Belo mpuu-mpuu nakana.

Efesus 3:1

Jadi, haitu pura-pura sabana yaku, Paulus, nosambaya ka Alatala. Yaku nitarunggu sabana nompatolele Kareba Belo i Yesus Kristus ka komiu tona ledo toYahudi.

1 Korintus 16:17

Nadamba mpuu raraku tempo i Stefanus, i Fortunatus bo i Akhaikus tumai nte yaku ri sii, sabana ira nanjambei komiu nantulungi yaku ri sii.

Filemon 1:1

Filemon, sampesuvu nipotove kami bo roa kami sampokarajaa: Sura hitu lako nte yaku, i Paulus, anu nitarunggu sabana nompatolele kareba i Yesus Kristus, bo lako nte i Timotius sampesuvuta sampomparasaya. Sura hitu nitulisi ka iko,

Filipi 2:30

apa sakidepa namate ia nompapola pokarajaa i Kristus. Ledo ntoto nipekirina katuvuna mboto sabana ia madota manjambei komiu mantulungi yaku ri sii.

Efesus 4:1

Jadi sampesuvu-sampesuvu, sabana haitu pura-pura, siimo petevai lako nte yaku anu nitarunggu ri sii sabana pomparasayaku i Pue Yesus. Yaku mpuu-mpuu nerapi ala komiu matuvu ante pokainggu masipato ka todea nu Alatala, apa komiu nipokioNa majadi todeaNa.

Filemon 1:10

Yaku, i Paulus, merapi ala mutarima mabelo i Onesimus, anu nipotoveku mpo anaku mboto. Ia nirekeku mpuu-mpuu anaku, sabana tempo yaku riara ntarunggu ri sii, yakumo nompatuduki ia nomparasaya i Yesus, nasimbayu mpo totua langgai nompatuduki anana.

Filemon 1:12

Yaku mpuu-mpuu nompotove i Onesimus, bo sii-sii nituduku ia manjili tou nte iko.