Efesus 6:5 - Kaili Ledo

⁵ Sampesuvu-sampesuvu anu najadi batua, turusimo parenta nu tuamiu anu naria ri dunia hitu. Bilamo ira bo pekoumo nte ira ante mpuu-mpuu raramiu, nasimbayu mpo komiu nekou nte i Kristus mboto.

Efesus 6:5 Referans Kwoze

Efesus 5:22

Mombine, pekoumo nte bereimiu langgai, nasimbayu nte pekoumiu nte i Pue

1 Petrus 3:2

sabana ane rakitana komiu nekou nte Alatala bo nokainggu nagasa, ia muni madota momparasaya.

Filemon 1:16

Jadi sii-sii ia domo aga batuamu, tapi nelabipa pade batua, haitumo, ia sampesuvuta sampomparasaya anu nipotoveta. Iyapa yaku nompotove ia, nemopa iko! Iko nompotove ia sabana ia batuamu, bo muni sabana ia sampesuvumu sampomparasaya.

Filipi 2:12

Jadi sampesuvu-sampesuvu nipotoveku, komiu nasaro nangoseaka pepatudukiku tempo yaku da nosanggani-nggani ante komiu. Jadi kuperapi komiu batena mangoseaka pepatudukiku, nemopa sii-sii kita nosinggavao. Alatala nompakasalama komiu bo nidekeiNa katuvu nabelo ka komiu. Jadi pasimbuku njuumo matuvu manoa, maeka mokainggu nadaa, sampe kaupuna katuvumiu nabelo haitu ledo makura nuapa-nuapa.

2 Korintus 1:12

Nadamba mpuu rara kami apa nisani kami nabula rara kami. Kami nasaro nokainggu nanoa nte tona pura-pura, nelabipa nte komiu. Pura-pura anu nipovia kami, ledo ria nuapa-nuapa nitabuniaka kami. Patuju kami nanoa, nangoseaka dota nu Alatala. Pokainggu kami ledo nangoseaka kapande nu manusia, tapi nangoseaka pompakule nidekei nu Alatala.

1 Korintus 7:22

Toramo! Tona anu najadi batua tempo ia nipokio majadi topomparasaya i Yesus, naupa ia batua tapi nikabasaka i Pue Yesusmo ia lako ri dosana. Bo tona ledo nipobatua tempo ia nipokio nu Alatala, ia najadi mpo batua sabana ia nekou nte i Kristus.

Matius 8:9

Nisaniku ia mabelo sabana yaku muni natundu ri parenta nu tuaku. Bo naria muni tantara-tantara natundu nte parentaku. Ane kuuli ka saito tantara, ‘Koimo!’ ia kana hau. Bo ane kuuli ka tantara ntanina, ‘Katumai!’ ia kana tumai. Bo ane kuuli ka batuaku, ‘Povia haitu’, kana rapoviana haitu.”

Matius 6:24

Ledo rapakule ntona saito matundu nte madika randua. Apa saito rapotovena bo saitopa ledo rapeilina. Saito raoseakana parentana bo saitopa rapoarana. Ivesia muni ante komiu. Ane komiu mompotove mbara-mbara ri dunia hitu, ledo rapakulemiu mpuu-mpuu mangoseaka dota nu Alatala.”

Efesus 6:24

Kuperapi Alatala bate-batena nabelo nte pura-pura tona anu ledo naupu-upu nompotove Tuputa Yesus Kristus. Amin. Tabe lako nte yaku Paulus

2 Korintus 7:15

Tove i Titus ka komiu nantambai kambasona tempo nitorana komiu mpuu-mpuu nangoseaka anu niulina. Nitarimamiumo ia bo nibilamiu ia bo nekou nte ia.

1 Korintus 2:3

Jadi tempo yaku naria nte komiu, yaku nalente bo nolete naeka.

Suro-Suro 2:46

Eo-eo ira nasiromu ri doyata Banua nu Alatala. Ira notava-tava nasiromu ri banuara notubi-tubi roti nantora i Yesus, bo nangande nosanggani-nggani ante damba rarara bo ante liangu rara.

Matius 6:22

Mata nirapaka poindo nu karo. Ane matata nabelo, tantu nalanto pekitata.

Roma 9:3

Ane rapana mamala, aginapa yaku rapindasi nu Alatala bo rapopogaa lako nte i Kristus, asaa sampesuvuku toYahudi momparasaya.