Efesus 6:18 - Kaili Ledo

¹⁸ Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

Efesus 6:18 Referans Kwoze

1 Tesalonika 5:17

Nee masau rara mosambaya.

Kolose 4:2

Nee masau raramiu mosambaya. Pekiri pakabelo anu raulimiu ka Tupu, bo masaro manguli tarima kasi nte Ia.

Filipi 4:6

Nee makini raramiu riara nuapa-nuapa, tapi kenimo pura-pura riara posambayamiu. Perapimo anu niparaluumiu lako nte Alatala bo masaro manguli tarima kasi.

1 Timotius 2:1

Pamula-mulana kuuli ka pura-pura topangoseaka i Yesus, posambayaka pura-pura tona. Pekakai nte Alatala, perapi anu niparaluu ntona, bo motarima kasi nte Ia.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.

Markus 14:38

Komiu kana mainga pura bo mosambaya ala komiu ledo mambela pesori! Komiu madota movia anu nabelo, tapi ledo nipakulemiu sabana komiu manusia nalente.>>

Lukas 21:36

Komiu kana mainga-inga bo masaro mekakai nte Alatala ala rapakulemiu mombatidamaka pura-pura anu majadi haitu bo ledo maeya matamiu mantingayo Yaku, Ana nu Manusia.”

Matius 26:41

Komiu kana mainga pura bo mosambaya ala komiu ledo mambela pesori! Komiu madota movia anu mabelo, tapi ledo nipakulemiu sabana komiu manusia nalente.”

Efesus 1:16

yaku nasaro nosukuru nte Alatala sabana katuvumiu nabelo haitu, bo yaku bate-batena nosambaya ka komiu.

Roma 12:12

Kana madamba raramiu sabana komiu nanjarumaka anu rapovia nTupu ka komiu. Kana mosabara tempo masusa. Nee masau raramiu mosambaya.

Markus 13:33

Jadi mainga-ingamo bo jagaimo, apa ledo nisanimiu maipia Yaku makava.

1 Petrus 4:7

Naparamo kaupu nu dunia. Jadi komiu kana mainga bo mompakanoto raramiu ala komiu mamala mosambaya.

Suro-Suro 1:14

Ira nasaro nasiromu nosangu rara nosambaya. I Maria tina Yesus, ante bara sako-ndua mombine ntanina, bo sampesuvu-sampesuvu i Yesus nasiromu muni nosambaya nosanggani-nggani ante ira.

Lukas 22:46

NiuliNa ka ira, “Pembangumo! Nakuya komiu aga namonjo? Pembangumo bo posambayamo ala komiu ledo mambela pesori.”

Ibrani 5:7

Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.

2 Timotius 1:3

Yaku nosukuru nte Alatala anu nisombaku ante rara nagasa, nasimbayu mpo nipovia ntotuaku nggaulu. Yaku nasaro nanguli tarima kasi ka Alatala sabana iko, bo eo bongi yaku nantora iko riara posambayaku.

Filipi 1:4

Bo nggani-nggani yaku nosambaya ka komiu pura-pura, yaku nosambaya ante damba raraku.

Efesus 6:19

Bo posambayaka muni yaku ala tempo yaku motesa, Alatala mombadekei ka yaku tesa-tesa masipato, bo nau bara nuapa majadi, yaku mabia mompatolele Kareba Belo anu ledo nisani ntona nggaulu.

Suro-Suro 12:5

Jadi i Petrus nitaha riara ntarunggu. Tapi todea topomparasaya i Yesus nosambaya njuu ka i Petrus ante mpuu-mpuu rarara.

Filemon 1:5

sabana niepeku karoso pomparasayamu i Pue Yesus bo niepeku muni kaoge pepotovemu ka pura-pura todeaNa.

Suro-Suro 10:2

I Kornelius natundu nte Alatala. Naupa ira ledo toYahudi tapi ira sambanua netupu nte Alatala. Ia nasaro nantulungi toYahudi anu napakasi, bo ia nasaro nosambaya ka Alatala.

Suro-Suro 6:4

Bo ivesiamo kami suro-suro mamala mombatui bago kami mboto, haitumo mosambaya ka Alatala bo mompatolele tesaNa.”

Efesus 3:18

Kuperapi nte Alatala ala komiu mosanggani-nggani ante pura-pura todeaNa ntanina, mamala mangisani bo mombarasai kaoge nu tove i Kristus ka kita. Ledo rapakule nu manusia ntoto mombapaha tove i Kristus haitu bo ledo rapakuleta mombasuka kambasona. Kuperapi nte Alatala ala komiu bate-batena mombarasai tove i Kristus haitu riara katuvumiu, ala mamala rapasialamiu pura-pura inggu nu Alatala.

Efesus 3:8

Yaku natueipa pade pura-pura todea nu Alatala ntanina. Tapi naupa ivesia, Alatala nabelo mpuu nte yaku bo nidekeiNa ka yaku pokarajaa mompatolele Kareba Belo ka komiu tona ledo toYahudi. Kareba haitu notesaki kabelo i Kristus anu naoge mpuu, ledo rapakuleta mombarekena.

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

Efesus 2:22

Bo komiu muni anu ledo toYahudi nosangu rara nte i Kristus, jadi komiu muni nosanggani-nggani ante topomparasaya i Kristus ntanina najadi ponturo Nosa Gasa nu Alatala.

Lukas 3:37

Lamekh ana i Metusalah; Metusalah ana i Henokh; Henokh ana i Yared; Yared ana i Mahalaleel; Mahalaleel ana i Kenan

Kolose 1:4

sabana niepe kamimo komiu nomparasaya i Yesus Kristus bo nompotove pura-pura todea nu Alatala.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Lukas 3:26

Nagai ana i Maat; Maat ana i Matica; Matica ana i Simei; Simei ana i Yosekh; Yosekh ana i Yoda;

Kolose 1:3

Nggani-nggani kami nosambaya ka komiu, kami nasaro nanguli tarima kasi nte Alatala, Tuama nTuputa Yesus Kristus,

Matius 17:21

Tapi seta eva haitu pangane aga namala rapopalai ane komiu nosambaya bo nopuasa.”