Efesus 6:14 - Kaili Ledo

¹⁴ Jadi, komiu kana masadia mombatidamaka peeva balimiu! Komiu kana matutu mangoseaka pepatuduki nakana. Haitumo sulepemiu. Komiu kana mokainggu manoa. Haitumo baju asemiu anu nombalenduti karomiu.

Efesus 6:14 Referans Kwoze

1 Tesalonika 5:8

Tapi kita tona natuvu ri karemena. Jadi kita kana mompakanoto rarata. Kita kana bate-batena momparasaya Alatala bo mompotove tona ntanina ala kita maroso masimbayu mpo tantara nobaju ase. Kita kana maroo manjarumaka Alatala mompakasalama kita, ala kita maroso mpo tantara nosonggo baja.

Lukas 12:35

I Yesus notesa sangu porapa ivei: “Komiu kana masadia tempo Yaku makava. Komiu kana mainga nasimbayu mpo batua-batua nompopea kakava nu madikara lako ri posusa ponika. Batua haitu bate-batena masadia bo poindora ledo rapepayara. Ane makava madikara mombatanede vamba, masalisa vamba haitu raungge ka ia.

1 Petrus 1:13

Sampesuvu-sampesuvu, naria mamimo panjarumakata naroso. Sabana haitu, komiu kana mompakanoto raramiu bo mainga, bo maroo manjarumaka belo radekei ka komiu tempo i Yesus Kristus makava mpanjili.

2 Korintus 6:7

Nalantomo kami batua nu Alatala sabana kami nompatolele pepatuduki nakana, bo kuasa nu Alatala nikita riara nggatuvu kami. Kami batena nokainggu nanoa. Bo pokainggu nanoa haitumo najadi pareva posieva kami, apa ane nanoa pokainggu kami, kami mamala mangeva bali kami bo kami mamala manjaliku karo kami lako ri peeva nu bali.

Efesus 5:9

Apa inggu ntona anu natuvu ri karemena nabelo bo nanoa bo ia namala raparasaya.

Pompakita 9:17

Riara panggitaku nikitaku jara-jara bo topesavina. Topesavi jara haitu nobaju ase. Bajura haitu nalei mpo vaya nu apu, bo nagavu mpo uve ntasi, bo nakuni mpo vatu colonggata. Balengga nu jara gahaitu mpo balengga nu singa, bo lako ri sumbara nesuvu apu, unu nu apu, bo vatu colonggata narega.

Pompakita 9:9

Bambarara nitutui nu ruke-ruke mpo baju ase. Bo moni kapira mpo moni doka nadea mpuu niumbu jara nangova hau ri posieva.

Roma 13:12

Nasaemo bongina, naparamo maeo. Jadi sia sampe kita kana mombakabasaka pokainggu nadaa nipovia ntona natuvu ri kalandana, bo mompake pareva posieva anu masipato ka tona natuvu riara karemena.

Efesus 6:13

Sabana haitu, pakemo pura-pura pareva posieva nidekei nu Alatala ala rapakulemiu mombatidamaka peeva nu balimiu ri tempo posieva ntamo, sampe komiu da bate-batena meangga maroso maupu posieva haitu.