Efesus 6:1 - Kaili Ledo

¹ Ngana-ngana, komiu kana matundu nte tina tuamamiu sabana haitumo pokainggu masipato ka topomparasaya i Pue.

Efesus 6:1 Referans Kwoze

1 Timotius 5:4

Tapi ane maria anana bara tupuna, ira haitumo masipato rapatuduki mokolu mantulungi totuara mboto bo mombabalasi kabelo ntotuara. Haitumo pokainggu nabelo anu nompakadamba rara nu Alatala.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

Roma 7:12

Jadi, Atura agama nagasa bo parenta-parenta nu Alatala nagasa, nanoa bo nabelo.

Lukas 2:51

Naupu haitu, notinggulimo i Yesus nosanggani-nggani nte tina tuamaNa hau ri ngata Nazaret, bo natundu nte totuaNa. Pura-pura anu najadi haitu, niboli ntinaNa riara ntaina.

1 Petrus 2:13

Pekoumo nte pura-pura topoparenta nipakatantu nu manusia, sabana haitumo nipodota i Pue. Pekoumo nte magau mbaso apa ia nalangapa nturona.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Roma 16:2

Kuperapi komiu mantarima ia sabana pomparasayana i Pue Yesus, apa ivesia mamimo kita todea nu Alatala masipato mantarima roata sampomparasaya. Ane maria anu niparaluuna, tulungimo ia, sabana ia mboto nadea tona nitulungina, yakumo hii saito.