Efesus 5:6 - Kaili Ledo

⁶ Jadi, nee komiu rabagiu ntona ante tesa-tesara anu ledo ria gunana, anu nanguli pokainggu ivehaitu ledo nasala. Toramo! Pokainggu ivehaitumo nompopeumba rau rara nu Alatala ka tona ledo natundu nte Ia.

Efesus 5:6 Referans Kwoze

Roma 1:18

Lako ri suruga Alatala nombahuku manusia anu ledo natundu nte Ia bo nokainggu nadaa. Pokainggura nadaa haitu nombalava tona mangisani pepatuduki nakana.

Matius 24:4

Nesana i Yesus, “Pakabelo-belo! Nee sampe komiu rabagiu!

Kolose 2:8

Komiu kana mainga, nee sampe komiu rabagiu ntona ante pepatuduki ledo nakana bo ledo ntoto noguna. Apa pepatuduki haitu aga nangoseaka pekiri nu manusia, bo nopuna lako ri malaeka-malaeka nadaa anu nombakuasai dunia. Pepatuduki haitu ledo nopuna lako nte i Kristus.

1 Yohanes 4:1

Sampesuvu-sampesuvu nipotoveku, nee kaliu-liu raparasayamiu pura-pura tona nanguli naria Nosa Gasa nu Alatala nte ira. Tapi peintaka ruru, ala rasanimiu bara Nosa Gasa mpuu naria nte ira, bara ledo. Niuliku ivesia apa nadeamo nabi mpodava ri umba-umba ri dunia sii-sii.

Kolose 3:6

Pokainggu ivehaitumo nompopeumba rau rara nu Alatala [ka tona ledo natundu nte Ia.]

Markus 13:5

Nesana i Yesus, <

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

1 Petrus 2:8

Bo naria tesa ntanina ri Buku Gasa ivei: “Vatu haitu nompakatepasunu tona. Vatu haitu nompakadungga ira.” Yesaya 8:14-15 Ira natepasunu sabana ira ledo nadota nangoseaka Tesa nu Alatala, bo haitumo bagiara nipakatantu nu Alatala ka ira.

2 Tesalonika 2:3

Nau bara berimba ntoto kareba haitu, nee sampe komiu rabagiu ntona, sabana dopame makava eo haitu, naria rongaya kana majadi ntani ruru. Pamulana, madea mpuu tona moura pomparasayara bo mombasapu Alatala. Bo karongayana, kana meumba Topesapuaka anu ranavusaka riara narakaa bara maipia.

Kolose 2:4

Patuju ntesaku hitu ala komiu ledo rabagiu ntona ante tesa-tesara anu mompakaluu raramiu.

Markus 13:22

Sabana meumba topodava manguli iramo Magau Topepakasalama, bo meumba muni nabi-nabi mpodava. Ira pura-pura movia tanda-tanda nipokumaaka bo kabaraka-kabaraka mombabagiu tona. Ane mamala, nau damo tona nipelisi nu Alatala rabagiura muni.

Kolose 2:18

Jadi, ane maria tona nompakasala komiu sabana ledo nioseakamiu pepatudukira, nee rapariaramiu tesara, mbelaka komiu masalandala bo ledo manggava belo nijanji nu Alatala ka komiu. Tona haitu aga madota mompasuu komiu metiede rara bo mombasomba malaeka-malaeka. Ira nangoeka pangisanira sabana naria anu nikitara riara pangipi. Nalanga bayangi rarara, bo pepatudukira aga nopuna lako ri pekirira mboto anu nangoseaka dunia hitu.

Ibrani 3:19

Jadi, nalantomo ka kita ira ledo namala nenonto nosanggani-nggani nte Alatala sabana ira ledo nomparasaya.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.