Efesus 5:5 - Kaili Ledo

⁵ Toramo pakabelo-belo! Tona nosipogau nte tona ledo bereina mboto bo tona nokainggu nabuga ledo ntoto manggava bagia riara Poparenta nu Alatala bo i Kristus. Ivesia muni ante tona nario matana bo ledo ria kabasa-basana, sabana anu niporiona haitu najadi anu nisombana bo haitu nasimbayu kadaana nte topompakande tupu-tupu ntanina.

Efesus 5:5 Referans Kwoze

Galatia 5:21

Nario matara nte mbara-mbara ntona, ira nanginu sampe nalangu bo nasiromu nangande bo nanginu sampe nabasa, bo nadea muni pokainggu ntanina ivehaitu. Jadi evamo niuliku ka komiu bara ipia, kupopatora ka komiu sangganipa: tona nokainggu ivegahaitu ledo ntoto manggava bagia ri Poparenta nu Alatala.

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

Efesus 5:3

Komiu todea nu Alatala. Jadi ledo ntoto masipato komiu mosipogau ante tona ledo bereimiu mboto, atau mokainggu nabuga, atau mario mata bo ledo ria kabasa-basana. Nee sampe maria sabana raraika ntona komiu nokainggu ivehaitu.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Galatia 5:19

Nalanto mpuu pokainggu ntona anu nangoseaka dota rara nadaa. Jonjona ivei: ira nosipogau nte tona ledo bereira mboto. Pokainggura nabuga bo ledo nasipato.

Ibrani 13:4

Ponjamboko kana rabilamiu pura-pura. Nee mompakagero ponjambokomiu ante mompogau tona ledo bereimiu mboto, sabana Alatala mombahuku tona nompogau tona ledo bereina mboto.

1 Timotius 6:10

sabana pompotove doi puna mpengaya-ngaya kadaa. Sanu tona nompasimbuku nangelo doi sampe nasalandalamo bo domo nioseakara pepatuduki nakana, bo aga mpengaya-ngaya kasusa nikavara anu nompakabuku rarara.

1 Timotius 6:17

Timotius, ulika tona nakalumana ri dunia hitu ala nee majadi malanga rarara bo nee aga manjarumaka mbara-mbara ri dunia anu sakide-sakide malipo. Ira kana manjarumaka Alatala anu nompopelabi-labi ka kita mpengaya-ngaya anu niparaluuta rapodamba-dambata.

Suro-Suro 8:21

Iko ledo ntoto masipato metuntuni riara pokarajaa kami hitu, sabana raramu ledo nanoa ri panggita nu Alatala.

Suro-Suro 20:32

Jadi sampesuvu-sampesuvuku, hitupa yaku nekakai nte Alatala nerapi Iamo mombajagai komiu. Bo kuuli ka komiu, oseakamo tesa nu Alatala anu nompopaisani kabelo nu Alatala ka kita. Aga Iamo nakuasa mompakaroso pomparasayamiu bo mombadekei belo ka komiu, haitumo belo nipakasadiaNa ka tona nipelisiNa majadi todeaNa.

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.