Efesus 5:19 - Kaili Ledo

¹⁹ Posipakaroso raramiu, pakemo tesa-tesa lako ri Mazmur, bo dade-dade nipake nantoiya Alatala bo dade-dade nidekei nu Nosa Gasa ka komiu. Komiu kana madamba modade mombatoiya i Pue ante mpuu-mpuu raramiu.

Efesus 5:19 Referans Kwoze

Kolose 3:16

Kareba anu notesaki i Kristus kana rapariarata bo ratanondoakata sampe mamala mosipatuduki bo mosipopatora, nangoseaka noto anu naria riara ntaita. Podadekamo dade Mazmur lako ri Buku Gasa, bo dade-dade pantoiya Alatala bo dade-dade nidekei nu Nosa Gasa. Kita kana modade ante mpuu-mpuu rarata, manguli tarima kasi ka Alatala.

1 Korintus 14:26

Jadi sampesuvu-sampesuvuku, nuapa rapoviata? Ivei: ane kita masiromu mombasomba Alatala, saito-saito simbo maria bagiana. Sanu tona modade, sanu mompatuduki, sanu mompakalanto tesa nitarimana lako nte Alatala. Sanu tona motesa riara basa-basa nopuna lako nte Nosa Gasa, bo tona ntanina mombabatuasi tesa-tesa haitu ala rasani ntodea batuana. Pura-pura anu nipoviamiu haitu kana rapovia ala mompakaroso pomparasaya ntodea.

Suro-Suro 16:25

Nitasere natanga bongina, i Paulus bo i Silas nosambaya bo nodade nantoiya Alatala. Tona ntanina nitarunggu ri sia nompetalingai ira nodade.

Yakobus 5:13

Ane maria komiu nambela kasusa, ia kana mosambaya. Ane maria tona nadamba, ia kana modade mantoiya Tupu.

Matius 26:30

Naupu haitu ira nodade sanggayu dade mombatoiya Alatala, pade nalai hau ri Bulu Zaitunmo ira.

Matius 15:8

‘Tona hitu nombasomba Yaku aga ri sumba tapi riara ntaira ledo nipeilira Yaku.

1 Korintus 14:15

Jadi nuapa masipato rapoviata? Ivei: kita kana mosambaya ante rara ntaita mompake basa nopuna lako nte Nosa Gasa, tapi kita kana mosambaya ante pekirita muni. Kita kana modade ante rara ntaita mompake basa nopuna lako ri Nosa Gasa, tapi kita kana modade ante pekirita muni.

Pompakita 5:9

Totua-totua gahaitu nodade sanggayu dade nabaru ka Ana Bimba ivei: “Komiumo masipato mangala sura haitu bo mombabuka populuna. Sabana, Komiu nipatesi bo ante raa nggamateMiu haitu nitoloMiu manusia lako ri njumangu dunia majadi todea nu Alatala, haitumo tona lako ri pura-pura ngata, bo lako ri pura-pura valaa bo tona lako ri mpengaya-ngaya basa ri dunia.