Efesus 5:17 - Kaili Ledo

¹⁷ Jadi nee madoyo, tapi pasimbukumo mangisani bo movia anu nipodota i Pue rapoviamiu.

Efesus 5:17 Referans Kwoze

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

1 Tesalonika 5:18

Bo uli tarima kasi ka Alatala nau damo nuapa majadi, sabana haitumo dota nu Alatala ka komiu anu nosangu rara ante i Yesus Kristus.

Kolose 1:9

Jadi nompamula lako ri tempo niepe kami karebamiu, kami nasaro nosambaya ka komiu. Kami nerapi nte Alatala ala Nosa GasaNa mombadekei noto bo pangisani ka komiu ala rasanimiu pura-pura dota nu Alatala ka komiu.

Efesus 5:15

Sabana haitu, pekiri pakabelo katuvumiu; nee matuvu mpo tona nadoyo, tapi komiu kana matuvu mpo tona nanoto.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

Kolose 4:5

Komiu kana mokainggu manoto ante tona dopa nomparasaya i Kristus. Pakemo pura-pura loga naria mompopaisani i Kristus ka ira.

Yohanes 7:17

Isema-sema madota mangoseaka dota nu Alatala, natantumo rasanina pepatudukiKu hitu lako nte Alatala, bo ledo lako nte Yaku mboto.