Efesus 5:10 - Kaili Ledo

¹⁰ Pasimbukumo ala rasanimiu pokainggu nipokono nu Alatala.

Efesus 5:10 Referans Kwoze

Ibrani 12:28

Jadi haitu sampe kita masipato manguli tarima kasi nte Alatala, sabana Ia nombadekei loga ka kita majadi todea riara PoparentaNa bo PoparentaNa haitu ledo ntoto mogoya. Bo kita kana metupu nte Alatala ante cara nipodambaNa. Kita kana mekou nte Ia bo maeka movia anu ledo nipokonoNa.

1 Petrus 2:20

Ane komiu raboba sabana komiu nasala, bo ane komiu mosabara riara kasusa haitu, ledo masipato komiu ratoiya nu Alatala! Tapi ane komiu rapandasa sabana pokainggumiu nabelo, bo ane komiu mosabara riara kasusa haitu, komiu mpuu-mpuu ratoiya nu Alatala.

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

1 Tesalonika 5:21

Pekirikamo pakabelo-belo tesa-tesa haitu, ala rasanimiu bara lako nte Alatala mpuu bara ledo bo oseakamo anu nabelo.

1 Timotius 2:3

Nabelo ane kita mosambaya ivesia, bo nipokono nu Alatala Topompakasalama kita.

Filipi 1:10

Ane ivesia komiu, rasanimiu mompelisi anu nabelopa rapoviamiu, bo katuvumiu majadi magasa bo ledo maria salamiu sampe i Kristus makava mpanjili.

Roma 14:18

Ane ivesia pangoseakata i Kristus, kita mompakadamba rara nu Alatala, bo roata muni mombabila kita.

1 Timotius 5:4

Tapi ane maria anana bara tupuna, ira haitumo masipato rapatuduki mokolu mantulungi totuara mboto bo mombabalasi kabelo ntotuara. Haitumo pokainggu nabelo anu nompakadamba rara nu Alatala.

Filipi 4:18

Jadi, ala rasanimiu, nitarimaku puramo pedekei nipakatumiu, bo nelabi-labi! Pura-pura pedekei nipakatumiu nitarimakumo lako nte i Epafroditus. Sii-sii nagana puramo anu niparaluuku. Pedekeimiu haitu nasimbayu mpo pesomba navangi, anu nitarima nu Alatala bo nipodamba raraNa.

Kolose 1:10

Ane rasanimiu dota nu Alatala ka komiu, mamala komiu matuvu ante pokainggu masipato ka topomparasaya i Pue, bo pura-pura inggumiu mompakadamba raraNa. Komiu mompakule movia mpengaya-ngaya anu nabelo, bo posisanimiu ante Alatala mantambai munimo.