Efesus 4:30 - Kaili Ledo

³⁰ Jadi, nee rapoviamiu anu mompakabuku rara Nosa Gasa nu Alatala. Toramo! Alatala nombadekei Nosa Gasa ka kita, tandana kita najadi todeaNa. Bo Nosa GasaNa haitu muni najadi panggingisita ala rasanita kita mpuu-mpuu rakabasaka lako ri dunia nadaa hitu ngena.

Efesus 4:30 Referans Kwoze

1 Tesalonika 5:19

Nee ralava pokarajaa Nosa Gasa nu Alatala.

Suro-Suro 7:51

Sampesuvu-sampesuvu, nakaa mpuu bagamiu! Bo komiu mpuu-mpuu netibongo! Ledo nadota komiu mangepe bo mangoseaka Tesa nu Alatala! Komiu batena nasimbayu mpo totuamiu nggaulu nangeva Nosa Gasa nu Alatala!

Roma 8:23

Ledo aga dunia nandasa, tapi kita topomparasaya muni nandasa nirasaita, nantongoraka tempona Alatala mombakabasaka karota lako ri kuasa kamatea, bo mombadekei belo ka kita ana-anaNa. Nisanita tempo haitu kana makava, sabana nitarimatamo Nosa Gasa nu Alatala, tandana Alatala mpuu-mpuu mompakadupa pojanjiNa ka kita.

Roma 8:11

Alatala nompakatuvu mpanjili i Yesus ante kuasa Nosa Gasa, bo Nosa Gasa muni nonturo riara ntaita. Jadi nau karota mamate, Alatala mompakatuvu mpanjili karota ante kuasa Nosa Gasa anu nonturo riara ntaita.

Markus 3:5

Jadi i Yesus neili nangganoto tona ri sia. Narau mpuu raraNa tapi nabuku muni raraNa nanggita ira nakaa gaga bagara. Ledo ntoto naasi matara nanggita tona nakoyo palena. Bo nanguli Ia ka tona haitu, <> Niodo ntona haitu mpuumo palena, bo nabelomo.

Ibrani 3:10

Haitu sampe narau mpuu raraKu nanggita ira bo niuliKu, ira nasaromo nasalandala, bo ledo nipokonora nangoseaka parentaKu.

1 Korintus 1:30

Lako nte Alatala sampe kita najadi nosangu rara ante i Yesus Kristus. Bo lako nte i Kristus sampe nisanita kapande nu Alatala. Ia nompoposinggabelo kita ante Alatala sampe kita najadi todea nagasa nipatani ka Alatala. Bo Iamo nombakabasaka kita lako ri pura-pura anu nadaa.

Ibrani 3:17

Bo isema niporau rara nu Alatala patapulu mpae kasaena? Natantumo ira haitu muni anu novia dosa ri karava bai sampe namate hamai.

Lukas 21:28

Tempo pura-pura kajadia haitu mompamula majadi, peangga pakaroso bo nee makini raramiu, apa domo masae komiu rapakasalama nu Alatalamo.”

Yohanes 3:33

Tapi isema-sema nomparasaya tesaNa haitu, raulina Alatala mpuu-mpuu nakana.

Ibrani 10:29

Ane ivesia pehuku ka tona nombasapuaka Atura agama, nemopa ka tona anu nompojejea Ana nu Alatala. Tona haitu nompandaente raa i Yesus, tano raa haitumo nompakaasa pojanji nu Alatala bo nompakalali dosana. Bo tona haitu muni nanjalai Nosa Gasa anu nompopaisani pepotove nu Alatala ka todeaNa.