Efesus 4:25 - Kaili Ledo

²⁵ Sampesuvu pura-pura, kita nipatuduki mokainggu manoa bo magasa, jadi tumo modava! Kita kana motesa makana ka sampesuvuta sampomparasaya apa kita pura-pura sipa nu karo i Kristus.

Efesus 4:25 Referans Kwoze

Kolose 3:9

Nee mosidavai. Kita kana mombakabasaka pokainggu ivehaitu sabana kita nikabasakamo lako ri katuvu njaeta bo lako ri pokainggu nadaa nioseakata tempo haitu,

Roma 12:5

Ivesia muni kita topomparasaya i Kristus. Nau kita nadea, kita najadi sangu riara i Kristus. Bo kita nosidai mpo sipa-sipa nu karo.

Efesus 4:15

Tapi kita kana mpuu-mpuu matuvu mangoseaka pepatuduki nakana bo kita kana mosimpotove. Ivesiamo mantambai karoso pomparasayata bo mantambai kanotota sampe kita majadi nasimbayu nte i Kristus. I Kristus haitu, nirapaka Balenggata

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Titus 1:2

Haitu nipoviaku ala ira mamala manjarumaka matuvu nte Alatala sampe ri kasae-saena. Dopame dunia hitu nipajadi nu Alatala, nijanjiNa todeaNa matuvu sampe ri kasae-saena. Alatala ledo nodava bo pojanjiNa namala raparasayata.

1 Timotius 4:2

Pepatuduki haitu rakeni ntona noagama ri sumba tapi kakanana aga topodava. Tona haitu nalanda rarara. Nantarimo pekirira, domo nisanira nompoposisala anu nabelo bo anu nadaa.

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.

1 Timotius 1:10

Atura haitu nipovia ka tona nosipogau nte tona ledo bereina mboto, tona nosipogau simbo langgai atau simbo mombine, topangae, topodava, sabi-sabi mpodava, bo ka isema-sema novia anu ledo nosinggambela nte pepatuduki nakana.

2 Korintus 7:14

Dopame ia tou mompelioda komiu, nitoiyaku mamimo komiu nte ia. Bo pokainggumiu nikita i Titus ledo nompakaeya yaku. Pura-pura tesa kami ka komiu nakana, ivesia muni pura-pura potoiyaku komiu nitesaku ka i Titus nakana muni.

Titus 1:12

Naria saito nabi lako nte toKreta mboto nanguli ivei: “ToKreta bate-batena topodava. Ira nasimbayu kadaana nte binata nasoa; ira nadoko bo namau.”

1 Korintus 10:17

Nau kita nadea, kita pura-pura najadi sangu karo sabana roti sangu haitu nikandeta nosanggani-nggani.

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Efesus 5:30

Haitu nipovia i Kristus sabana kita todea topomparasaya nireke sipa nu karoNa mboto.

Efesus 4:22

Haitumo, komiu nipatuduki mombakabasaka katuvu njaemiu ante pokainggu nituntunimiu tempo komiu dopa nomparasaya i Yesus. Dota rara nadaa nituntunimiu tempo haitu nombabagiu komiu bo nompakagero katuvumiu.

Efesus 4:31

Pakalipomo pura-pura dua rara. Nee magigi rara bo nee momboli rau rara. Nee mosipongare-ngare mosipakadaaka tesa bo nee mositunturaka. Nee mavuu matamiu nte roa.

Kolose 3:8

Tapi sii-sii kabasakamo pura-pura pokainggu nadaa. Nee marau, nee monasu, nee mompakadaa roa, nee metunturaka, bo nee sampe maria tesa-tesa nasuloka mesuvu lako ri sumbamiu.

Ibrani 12:1

Jadi namala raulita, pura-pura ira pangane nombatiku kita bo nompakaroso rarata ante posabira. Sabana haitu, kita muni kana mombatedaka pura-pura anu nompopekai rarata bo dosa anu nekantaka nte kita. Kita kana maroo rarata mangoseaka dala nipakatantu nu Alatala ka kita, nasimbayu mpo topangova ri posilumba.

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

1 Petrus 2:1

Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.