Efesus 4:2 - Kaili Ledo

² Komiu kana matuvu ante ede rara. Komiu kana malusu raramiu, bo kana mandoe posabaramiu. Nee makodi raramiu nte roa, tapi positulungimo sabana tovemiu.

Efesus 4:2 Referans Kwoze

1 Korintus 13:7

Ia nombatidamaka riara mpengaya-ngaya anu najadi. Ia ledo nenonto nomparasaya, batena nanjarumaka Alatala, bo nosabara nau bara nuapa-nuapa najadi.

Roma 15:1

Kita anu naroso pomparasayata masipato mosabara nte roata anu da nonggai rarana sabana dopa naroso pomparasayana. Nee aga mompekirika kasana nu rarata mboto.

Matius 11:29

Paritundu pasanga Kudika ka komiu bo pegurumo nte Yaku, apa Yaku nalusu bo naede raraKu bo Kupakatinonto raramiu.

1 Timotius 6:11

Tapi iko batua nu Alatala. Nee mpuu mokainggu madaa ivehaitu! Pasimbukumo majadi tona nanoa ri panggita nu Alatala. Pasimbukumo matuvu mangoseaka dotaNa. Kana mupakaroso pomparasayamu, potovemo singgamanusiamu, tidamaka tempo nasusa, bo moinggu malusu.

1 Petrus 3:15

Tapi bilamo i Kristus riara ntaimiu bo pakaoge Ia sabana Ia Tupumiu nagasa. Bo ane rapekutana ntona komiu, nuapa sabana komiu nanjarumaka i Pue, komiu kana masadia mesana ka ira. Bo pesanamiu haitu kana rapovia ante ede rara bo ante tesa-tesa nalusu.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

Galatia 6:2

Ane roamiu sampomparasaya nombarasai susa bo pari, tulungimo ia. Apa ane komiu mositulungi, komiu mangoseaka parenta i Kristus.

Efesus 1:4

Dopame dunia nipajadi, Alatala nompelisi kita majadi todeaNa anu nosangu rara nte i Kristus. Kita nipelisiNa majadi todea anu matuvu magasa bo ledo maria salata ri panggitaNa.

Suro-Suro 20:19

Yaku nokarajaa ri sii ka i Pue Yesus ante ede raraku bo nadea uve mataku. Nadea susa bo pari nirasaiku, sabana toYahudi nonia mompatesi yaku.

Markus 9:19

Jadi nanguli i Yesus ka ira, <>

Yakobus 1:21

Jadi, kabasaka puramo kabiasamiu naruto bo nadaa. Pakaede raramiu bo pariaramo tesa nu Alatala anu nitudaNa riara ntaimiu. Apa tesa haitu nakuasa mompakasalama komiu.

Kolose 1:11

Kami nerapi ala Alatala mompakaroso raramiu ante pura-pura kuasaNa, nangoseaka barakaNa anu naoge mpuu, ala rapakulemiu mosabara nau bara nuapa majadi bo ledo molengga-lengga raramiu.

1 Petrus 3:8

Jadi sampesuvu-sampesuvu, kupapolamo tesaku. Komiu pura-pura kana mosangu pekiri bo mosangu rara. Posimpotovemo mpo tona nosampesuvu. Komiu kana mosipoasi mata bo nee malanga rara.