Efesus 3:14 - Kaili Ledo

¹⁴ Jadi, [ane yaku nantora kanoto nu Alatala bo niaNa lako ri lamba pamulana], yaku nantaputu nosambaya ri ngayo nTuamata Alatala.

Efesus 3:14 Referans Kwoze

Filipi 2:10

Haitu nipovia nu Alatala ala pura-pura anu natuvu mombabila i Yesus. Nau isi suruga, nau isi dunia, nau ira ri ponturo ntomate, pura-pura kana mantaputu mombasomba Ia,

Suro-Suro 21:5

Tapi nagana saminggu kami nonturo ri sia, nipalaisi kamimo ira, bo nipapola kamimo polipa kami. Ira pura-pura nosanggani-nggani ante anara bo bereira nanggeni kami hau ri savaliku ngata. Nakava ri talinti, nantaputu puramo kami bo nosambaya.

Efesus 1:3

Ratoiyata Alatala, Tuama nTuputa Yesus Kristus! NidekeiNa ka kita mpengaya-ngaya belo lako ri suruga sabana kita nosangu rara ante i Yesus Kristus.

Suro-Suro 20:36

Naupupa i Paulus notesa, nantaputumo ia nosanggani-nggani ante pura-pura ira lako ri ngata Efesus bo nosambaya.

Lukas 22:41

Pade haunapa Ia sakide lako nte ira. Kakavaona nitasere samporempetaka vatu. Ia nantaputu bo nosambaya:

Suro-Suro 9:40

I Petrus nantudu ira mesuvu pura, pade nantaputu ia nosambaya. Naupu haitu, nitingayona mboa i Tabita bo nanguli, “Tabita, pembangumo!” Naupu i Petrus nanguli ivesia, nibula i Tabitamo matana. Nikitanapa i Petrus, nembangumo ia bo nonturo.

Suro-Suro 7:60

Bo nantaputu ia bo nongare ante suara namangga, “Pue, ampungimo dosara hitu!” Naupu haitu, namatemo ia.

Efesus 3:15

Iamo Tuama nu pura-pura anu naria, nau kita ri dunia, nau isi suruga.