Efesus 2:18 - Kaili Ledo

¹⁸ Jadi, kita pura-pura, toYahudi bo tona ledo toYahudi, namala mosinggava nte Tuamata Alatala riara posambayata sabana anu nipovia i Kristus. Kita mamala mosinggava nte Ia ante petulungi Nosa GasaNa sangu.

Efesus 2:18 Referans Kwoze

Efesus 3:12

Kita nomparasaya i Kristus bo kita nosangu rara ante Ia, jadi domo makaja rarata mosinggava nte Alatala riara posambayata, bo nisanita ratarimaNa.

1 Korintus 12:13

Sanu kita toYahudi, sanu ledo. Sanu kita batua, sanu ledo. Tapi kita pura-pura nidekeika nu Alatala Nosa Gasa sangu haitu ala kita majadi sangu karo. Bo Nosa Gasa sangu haitu nonturo riara ntaita pura-pura.

Roma 5:2

Kita nomparasaya i Yesus, jadi nidekeiNa ka kita loga mombarasai kabelo rara nu Alatala bo sii-sii nirasaitamo riara nggatuvuta. Nadamba mpuu rarata sabana naroso panjarumakata rakavata bagia ri kaoge nu Alatala.

Efesus 4:4

Pura-pura kita topomparasaya i Kristus najadi sangu karo i Kristus. Bo sangu Nosa Gasa nu Alatala anu naria riara ntaita pura-pura. Ivesia muni panjarumakata aga sangu, haitumo kita pura-pura nipokio nu Alatala matuvu mosanggani-nggani nte Ia sampe ri kasae-saena.

Yohanes 14:6

Nesana i Yesus, “Yakumo hii dala, Yakumo nompopaisani anu nakana bo Yakumo nombadekei katuvua nabelo. Ledo ria saitoa mamala makava ri ngayo nTuamaKu ane ledo ante Yaku.

Yohanes 10:9

Yakumo hii bobaa. Isema-sema mesua modala nte Yaku rapakasalama. Ia mamala mesua bo mesuvu manggava kandea.

Yohanes 10:7

Sabana haitu, nanguli vaimo i Yesus ka ira, “Pariaramo tesaKu hitu! Yakumo hii bobaa rapesua nu bimba hau riara gimpu.

Kolose 1:12

Kami nerapi ala raramiu batena madamba manguli tarima kasi ka Tuamata Alatala, apa Iamo nompakasipato komiu manggava bagia lako ri anu nipakasadiaNa ka pura-pura todeaNa riara PoparentaNa nareme.

Galatia 4:6

Alatala nompopanau Nosa Gasa nu AnaNa riara ntaita sabana kita najadi ana-anaNa. Bo lako ri pekeniaka Nosa Gasa riara ntaita, kita nekakai nte Alatala nanguli, “Tata, Tuama nipotove kami!”

Roma 8:15

Nosa Gasa anu nidekei nu Alatala ka kita, ledo manggeni kita majadi batua sampe kita matuvu ante eka rara. Tapi Nosa Gasa haitu nanganggataka kita majadi ana-ana nu Alatala. Ante pekeniaka Nosa Gasa kita mamala mekakai nte Alatala, <>

1 Petrus 3:18

Apa i Kristus muni nombarasai kasusa nau ledo novia anu nadaa. Ia aga sanggani namate nombasompo dosa manusia nagana sampe ri kasae-saena. Ia ledo nasala, tapi Ia namate nanjambei kita anu nasala, ala mompoposinggabelo kita ante Alatala. Ia nipatesi tapi nipakatuvu mpanjili ante kuasa Nosa Gasa nu Alatala.

Efesus 6:18

Komiu kana masaro mosambaya bo merapi tulungi nte Alatala. Nuapa-nuapa rapoviamiu, posambayamo, nangoseaka pekeniaka Nosa Gasa nu Alatala. Komiu kana mainga bo nee maupu raramiu mosambaya. Nggani-nggani mosambaya, sambayani pura-pura todea nu Alatala.

1 Korintus 8:6

Tapi ane kita topomparasaya, nisanita aga saito Alatala nakana. Iamo Tuamata anu nompajadi pura-pura anu naria ri dunia. Iamo nombadekei katuvu ka kita ala kita mombasomba Ia. Bo aga saito Tuputa, i Yesus Kristus anu nipopale nu Alatala nompajadi pura-pura anu naria, bo lako nte Ia sampe natuvu kita.

Ibrani 7:19

Batuana, Atura-atura agama ledo ntoto nompakule manggeni tona majadi manoa ri panggita nu Alatala. Tapi sii-sii naria sangaya dala nabelopa nipopaisani ka kita. Ane raoseakata dala hitu kita mamala mosisani belo nte Alatala.

Efesus 3:14

Jadi, [ane yaku nantora kanoto nu Alatala bo niaNa lako ri lamba pamulana], yaku nantaputu nosambaya ri ngayo nTuamata Alatala.

Yudas 1:20

Sampesuvu-sampesuvu nipotoveku, posipakaroso pomparasayamo komiu nangoseaka pepatuduki nakana, sabana pepatuduki niparasayata haitu nagasa mpuu. Bo posambayamo ante pekeniaka Nosa Gasa nu Alatala.

1 Petrus 1:21

Iamo sampe komiu nomparasaya Alatala. Alatala nompakatuvu mpanjili Ia lako ri kamateNa bo nombadekei kuasa bo kaoge nipokumaaka ka Ia. Jadi haitumo sampe komiu nomparasaya bo nanjarumaka Alatala.

1 Petrus 1:17

Sampesuvu-sampesuvu, komiu nanggasangai Alatala Tuamamiu tempo komiu nosambaya. Jadi komiu kana matuvu mekou nte Ia ane komiu da nonturo mpo topesovo ri dunia hitu. Apa Iamo mombatangara pura-pura tona nangoseaka pokainggura mboto bo Ia ledo nompelenje.

Matius 28:19

Jadi koimo komiu, hau ri umba-umba ri dunia, mompatuduki tona lako ri umba-umba ngata majadi topangoseaka Yaku. Diumo ira ante kuasa nTuamata Alatala, Yaku AnaNa, bo Nosa Gasa.

Yakobus 3:9

Ante tesata kita nombatoiya Tuamata Alatala, bo ante tesata muni kita nopindasi singgamanusiata anu nipajadi nu Alatala nangoseaka lenjeNa mboto!