Efesus 1:11 - Kaili Ledo

¹¹ Alatala novia mpengaya-ngaya nangoseaka patujuNa bo pobotusiNa mboto. Jadi, nangoseaka pobotusiNa lako ri lamba pamulana, Alatala nompelisi kita, apa patujuNa kita majadi todeaNa lako ri posangu rarata nte i Kristus.

Efesus 1:11 Referans Kwoze

Roma 8:28

Bara nuapa-nuapa majadi, nisanita Alatala nompasiayuna ala manggeni belo ka kita topompotove Ia, haitumo kita anu nipokioNa majadi todeaNa nangoseaka niaNa mboto.

1 Petrus 1:4

Kita nanjarumaka manggava belo nipakasadia nu Alatala ka pura-pura todeaNa. Belo haitu ledo magero, ledo mapopo, ledo mabali, bo nijagaiNa ri suruga ka kita.

Efesus 1:14

Nosa Gasa haitu panggangisita, ala rasanita Alatala mpuu-mpuu mombadekei ka kita pura-pura anu nijanjiNa ka todeaNa. Jadi, nisanita Alatala mpuu-mpuu mombakabasaka kita lako ri dunia nadaa hitu sabana kita todeaNa. Haitumo sampe masipato kita mantoiya kaoge nu Alatala anu nipokumaaka!

Efesus 3:11

Alatala novia pura-pura haitu nangoseaka patujuNa anu nipakatantuNa mami lako ri lamba pamulana. Bo patujuNa haitu nipakadupaNa ante kakava nTuputa Yesus Kristus.

Efesus 1:5

Lako ri lamba pamulana Ia nompakatantu manganggataka kita majadi ana-anaNa sabana Ia nompotove kita. Kita najadi ana-anaNa lako ri kamate i Yesus Kristus, sabana haitumo nia bo dota nu Alatala mami lako ri pamulana.

Galatia 3:18

Ane rapana tona mantarima belo sabana nioseakana Atura agama, batuana, belo haitu ledo nikavana lako ri pojanji nu Alatala, tapi aga lako ri pompasimbukuna mboto! Tapi, Alatala nombadekei belo ka i Abraham sabana pojanjiNa. Belo haitu pedekei bayangi lako ri kabelo rara nu Alatala.

Ibrani 6:17

Ivesia muni ante Alatala. Ia nadota nompopakita pojanjiNa ledo ntoto mabali. Ia nadota nompopakitana ka tona masipato mantarima anu nijanjiNa. Jadi Ia nosumpa ala mompakaroso pojanjiNa.

Titus 3:7

PatujuNa, ala kita anu najadi nanoa ri panggitaNa lako ri kabelo raraNa, mamala manjarumaka matuvu mabelo sampe ri kasae-saena.

Roma 8:17

Bo ane kita mpuu-mpuu ana-ana nu Alatala, natantumo kita mantarima belo nipakasadia nu Alatala ka ana-anaNa. Kita muni mantarima pura-pura anu nipakasadia nu Alatala ka i Kristus, sabana ane kita nombarasai kasusa bo kapari mpo anu nirasaiNa, kita muni rapakaoge nasimbayu mpo Ia.

Kolose 1:12

Kami nerapi ala raramiu batena madamba manguli tarima kasi ka Tuamata Alatala, apa Iamo nompakasipato komiu manggava bagia lako ri anu nipakasadiaNa ka pura-pura todeaNa riara PoparentaNa nareme.

Kolose 3:24

Nisanimiumo i Pue mboto mombadekei tambo ka komiu anu nijanjiNa ka pura-pura topomparasaya Ia. Kakanana i Kristusmo tua anu nitulungimiu, bo komiu batuaNa.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Suro-Suro 20:32

Jadi sampesuvu-sampesuvuku, hitupa yaku nekakai nte Alatala nerapi Iamo mombajagai komiu. Bo kuuli ka komiu, oseakamo tesa nu Alatala anu nompopaisani kabelo nu Alatala ka kita. Aga Iamo nakuasa mompakaroso pomparasayamiu bo mombadekei belo ka komiu, haitumo belo nipakasadiaNa ka tona nipelisiNa majadi todeaNa.

Suro-Suro 2:23

I Yesus haitu nidekei nu Alatala ka komiu bo nipatesimiu. Ia nidekeimiu ka tona nadaa nombapaku ri kayu salib. Tano mai, anu najadi haitu nangoseaka nia nipakatantu nu Alatala lako ri pamulana, apa nisaniNa mami lako ri pamulana anu majadi ante i Yesus.

Suro-Suro 20:27

Apa, ledo nasau raraku nompatuduki ka komiu, pura-pura nia nu Alatala ka kita.

Suro-Suro 4:28

Ira nasintuvu nompatesi i Yesus. Tapi kakanana anu nipoviara aga nompakadupa anu nipakatantuMiu mami lako ri pamulana nangoseaka kuasaMiu bo dotaMiu.

1 Petrus 3:9

Ane maria tona movia anu nadaa nte komiu, nee rabalasi ira ante anu nadaa. Ane rasalai ntona komiu, nee rapesava. Agina komiu merapi Alatala mombadekei belo ka ira. Apa komiu nipokio nu Alatala manggeni belo ka tona ntanina, ala komiu manggava belo lako nte Ia.

Roma 11:34

Riara Buku Gasa nitulisi ivei: <

Yakobus 2:5

Sampesuvu-sampesuvu nipotoveku, epemo pakabelo-belo! Tona napakasi ri dunia hitu nipelisi nu Alatala. Nau ledo nadea kakalumanara ri dunia hitu, ira nipelisi nu Alatala majadi tona naoge pomparasayara. Iramo majadi todea riara Poparenta nu Alatala nangoseaka anu nijanjiNa ka tona nompotove Ia.

Efesus 1:8

ToveNa haitu nipopelabiNa ka kita bo Ia muni mpuu-mpuu nompakanoto rarata bo nompopaisani patujuNa ka kita.

Suro-Suro 13:48

Tempo tona ledo toYahudi ri sia nangepe tesa haitu, nadamba mpuu rarara bo niulira, “Nabelo mpuu Tesa nu Alatala!” Isema-sema nipelisi nu Alatala manggava katuvua mabelo sampe ri kasae-saena, iramo nomparasaya i Yesus.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

Roma 8:30

Bo kita anu nipakatantuNa lako ri lamba pamulana haitu, nipokioNa majadi todeaNa. Bo kita anu nipokioNa majadi todeaNa, nirekeNa nanoa ri panggitaNa. Bo kita anu nirekeNa nanoa, radekeiNa bagia ri kakuasaNa bo kaogeNa mboto.

Roma 9:11

Dopame i Ribka noana, Alatala nanguli ka ia ivei: <> Tempo haitu, ngana randua pangane dopa nipoanaka bo dopa novia nuapa-nuapa nabelo atau nadaa. Tapi Alatala nompakatantu mamimo ngana mbana nipelisiNa mantarima belo lako nte Ia. PatujuNa ala malanto ka kita, ane Alatala nompelisi tona manggava belo lako nte Ia, ledo nipelisiNa nangoseaka pokainggura, tapi nipelisiNa nangoseaka dotaNa mboto.

Efesus 1:9

Alatala nompopaisani ka kita niaNa anu dopa nisani nu manusia bara ipia. Nangoseaka dotaNa mboto, Alatala nompakatantu lako ri nggauluname ala niaNa haitu rapakadupa i Kristus

Efesus 1:18

Kuperapi ala Ia mompakareme pekirimiu ala mpuu-mpuu rasanimiu kabelo anu nisarumakata lako nte Alatala anu nompokio kita majadi todeaNa. Kuperapi ala rasanimiu kabelo bo kaoge nu belo nipakasadia nu Alatala radekei ka todeaNa bara maipia.

Titus 2:14

I Kristus nombadekei karoNa nipatesi nanjambei kita ala mombasompo dosata. NikabasakaNa kita lako ri pura-pura pokaingguta nadaa, nipegasaNa kita bo nipataniNa kita majadi todeaNa mboto anu matutu nokainggu nabelo.