3 Yohanes 1:8 - Kaili Ledo

⁸ Jadi, masipato kita topomparasaya mombatulungi ira, bo ane nitulungita ira, nasimbayu mpo niporoata muni ira nompatolele pepatuduki nakana lako nte Alatala.

3 Yohanes 1:8 Referans Kwoze

3 Yohanes 1:10

Ane makava ri situ yaku, kana kupakalanto ka komiu pura-pura anu nipoviana, sabana poviana haitu ledo ntoto nabelo. Nadea mpuu tesa dava niulina nompakadaa sanga kami. Bo ledo aga haitu. Tempo roa-roata sampomparasaya nakava nanggeni Kareba Belo, ledo nadota ia nantarima ira ri banuana. Bo nitagina muni topomparasaya ntanina mantarima ira. Isema ledo nantuntuni tesana haitu, nipopalaina lako ri kasiromu ntodea topomparasaya, ledo nipalogana ira mantuntuni podade.

Filemon 1:24

Tarima muni tabe lako nte roaku sampokarajaa, haitumo i Markus, i Aristarkhus, i Demas bo i Lukas.

Filemon 1:2

bo ka todea topomparasaya anu nasiromu nosambaya ri banuamu, bo ka i Apfia sampesuvuta mombine sampomparasaya, bo i Arkhipus, anu nosanggani-nggani nte kami nompasimbuku nokarajaa ka Tupu.

1 Tesalonika 3:2

bo i Timotius sampesuvuta sampomparasaya nitudu kami tuou nte komiu. I Timotius roa kami nokarajaa ka Alatala. Ia nantulungi kami nompatolele Kareba Belo anu notesaki i Kristus. Ia nitudu kami tou mompakadidi raramiu bo mompakaroso pomparasayamiu

Kolose 4:11

Tabe muni lako nte i Yesus anu nidae i Yustus. Lako ri pura-pura toYahudi anu nomparasaya i Kristus, aga ira tatalu nokajaraa nte yaku sii-sii nangelo tona majadi todea ri Poparenta nu Alatala. Ira mpuu-mpuu nantulungi yaku.

Filipi 4:3

Bo kuperapi muni nte vega rapaku i Sunsugos, tulungimo mombine randua pangane ala ira mosangu rara mpanjili. Ira nokarajaa ntamo ante yaku nompatolele Kareba Belo nasimbayu mpo i Klemens bo roa-roaku ntanina sampokarajaa. Sangara nitulisi riara Buku Katuvua, anu nompakatantu isema masipato matuvu mabelo sampe ri kasae-saena.

2 Korintus 8:23

I Titus hii roaku sampokarajaa mantulungi komiu. Bo randua sampesuvuta ntanina anu momporoa ia, nisuro ntodea topomparasaya, bo nadea mpuu tona nombabila bo nombatoiya i Kristus sabana katuvu nu sampesuvuta randua haitu.

2 Korintus 6:1

Jadi kami hii nokarajaa nosanggani-nggani ante Alatala nompatolele TesaNa ka manusia. Haitumo sabana kami merapi nte komiu ante mpuu-mpuu rara, nee sampe kabelo rara nu Alatala nte komiu haitu ledo maria aselena riara nggatuvumiu.

Lukas 11:7

Rapana roamiu mesana ivei: ‘Nee rabato yaku! Vamba nikapukumo bo kami ntali ana naturumo. Domaku membangu mombadekei ka iko anu niperapimu.’

Matius 10:40

Isema-sema nantarima komiu, nitarimana muni Yaku. Bo isema-sema nantarima Yaku, nitarimana Alatala anu nombasuro Yaku.

Matius 10:14

Ane tupu banua bara tupu ngata ledo madota mantarima komiu atau ledo madota mangepe tesamiu, palaimo komiu lako nte ira bo tapaimiu sovu lako ri kadamiu.

3 Yohanes 1:7

Apa sampesuvuta haitu nanggeni kareba i Kristus bo ledo ria nuapa-nuapa nitarimara lako nte tona anu ledo nosisani nte Alatala.

3 Yohanes 1:9

Nariamo sura nitulisiku ka topomparasaya hamai, tapi i Diotrefes ledo nadota nangoseaka tesaku. Patujuna, ia mboto majadi pakeni ntopomparasaya.