2 Yohanes 1:6 - Kaili Ledo

⁶ Iveimo anu niuli tove: kita kana matuvu mangoseaka parenta nu Alatala anu niepeta lako ri pamulana: Kita kana matuvu mosimpotove.

2 Yohanes 1:6 Referans Kwoze

1 Yohanes 5:3

Apa ane nipotoveta Alatala, natantu raoseakata parenta-parentaNa. Bo parenta-parentaNa ledo nakaja raoseaka,

1 Yohanes 2:24

Jadi pariaramo pakabelo-belo pepatuduki niepemiu lako ri pantepuuna pomparasayamiu i Kristus. Ane pepatuduki haitu mpuu-mpuu rapariaraimiu, komiu bate-batena matuvu mosangu rara nte Ana nu Alatala bo Alatala, TuamaNa.

1 Yohanes 2:5

Tapi isema-sema nangoseaka parenta nu Alatala, tona haitumo mai mpuu-mpuu nompotove Alatala. Haitumo tandana kita mpuu-mpuu natuvu nosangu rara ante Alatala.

Yohanes 15:10

Ane raoseakamiu parenta-parentaKu, komiu bate-batena mombarasai pepotoveKu, nasimbayu mpo Yaku muni nangoseaka parenta nTuamaKu bo bate-batena nombarasai pepotoveNa.

Yohanes 14:15

“Ane komiu nompotove Yaku, raoseakamiu parenta-parentaKu.

Yohanes 15:14

Bo komiu mpuu-mpuu vegaKu ane komiu mangoseaka parenta-parenta nidekeiKu ka komiu.

Yohanes 14:21

Isema-sema mompariara bo mangoseaka parenta-parentaKu, iamo nompotove Yaku. Bo isema-sema nompotove Yaku, ia muni rapotove nTuamaKu, bo Yaku mboto mompotove ia bo mompopaisani karoKu ka ia.”

1 Yohanes 5:15

Bo nisanita ane Ia nompetalingai perapita, natantumo ratarimata anu niperapita lako nte Ia.

2 Yohanes 1:5

Jadi kuperapi mpuu-mpuu nte komiu, Ina, kita pura-pura kana mosimpotove. Anu nitulisiku hitu ledo parenta nabaru, tapi parenta nidekei ka kita lako ri pamulana kita nomparasaya i Yesus.

Yohanes 14:23

Nesana i Yesus, “Isema-sema nompotove Yaku raoseakana tesaKu. Bo TuamaKu mompotove ia bo Yaku ante TuamaKu makava monturo mosanggani-nggani ante ia.

1 Yohanes 2:7

Sampesuvu-sampesuvu nipotoveku, ledo parenta nabaru kutulisi ka komiu, tapi parenta njae anu nisanimiu lako ri pantepuuna pomparasayamiu i Kristus. Parenta njae haitu kareba niepemiu nokolu, haitumo, kita kana mosimpotove.