2 Yohanes 1:1 - Kaili Ledo

¹ Nina ntali ana, anu nipelisi nu Alatala: Sura hitu lako nte yaku, i Yohanes, pakeni ntodea topomparasaya. Yaku mpuu-mpuu nompotove komiu. Ledo aga yaku tapi pura-pura topangisani pepatuduki nakana lako nte Alatala, nompotove komiu muni.

2 Yohanes 1:1 Referans Kwoze

1 Yohanes 3:18

Sampesuvu-sampesuvu nipotoveku, nee aga mompotove sampesuvuta sampomparasaya ri sumba. Kita kana mompotove mpuu bo kita kana mompopakita tove haitu ante pokainggu nabelo.

1 Timotius 2:4

Ia madota ala pura-pura tona rapakasalama bo mangisani pepatuduki nakana,

Yohanes 8:32

Bo ane ivesia, rasanimiumo pepatuduki nakana sampe komiu rakabasaka lako ri pobatuamiu.”

2 Yohanes 1:5

Jadi kuperapi mpuu-mpuu nte komiu, Ina, kita pura-pura kana mosimpotove. Anu nitulisiku hitu ledo parenta nabaru, tapi parenta nidekei ka kita lako ri pamulana kita nomparasaya i Yesus.

1 Petrus 5:1

Naria muni anu kuuli ka komiu pakeni ntodea topomparasaya! Yaku nabia notulisi ka komiu sabana yaku muni pakeni ntopomparasaya, bo yaku mboto nanggita kasusa bo kapari nirasai i Kristus bara ipia. Bo ane i Kristus makava mpanjili bo mompopakita kuasaNa bo kaogeNa ka pura-pura manusia, yaku muni manggava bagia ri kuasaNa bo kaogeNa haitu. Jadi yaku mpuu-mpuu nerapi nte komiu

2 Yohanes 1:13

Nadea tabe lako nte ana-ana nu sampesuvumiu ri sii anu nipelisi nu Alatala. Tabe lako nte yaku, Yohanes

1 Yohanes 2:21

Yaku notulisi sura hitu ka komiu ledo sabana ledo nisanimiu pepatuduki nakana. Nisanimiumo pepatuduki nakana. Bo nisanimiu munimo ledo naria dava riara pepatuduki nakana.

Ibrani 10:26

Ane ratunggaita bate-batena movia dosa naliu nitarimata pepatuduki nakana, ledo ria pesomba mompakalali dosa haitu.

Galatia 5:7

Bara ipia nioseakamiu nabelo Kareba Belo. Jadi nakuya hitupa komiu domo nadota nangoseaka pepatuduki nakana? Isema nombalava komiu?

Galatia 3:1

Nadoyo mpuu komiu toGalatia! Isema nanjalipuyo komiu sampe komiu domo nadota nangoseaka pepatuduki nakana? Nipakalantoku mpuu nanguli ka komiu bara ipia patuju kamate i Yesus Kristus ri kayu salib.

Galatia 2:14

Tapi nikitaku pokainggura haitu ledo nosinggambela ante pepatuduki nakana lako ri Kareba Belo. Haitu sampe nionteakaku i Petrus ri ngayora pura-pura ivei: “Komiu toYahudi, tapi komiu mboto nabiasa natuvu mpo tona ledo toYahudi, komiu domo paraluu mangoseaka ada ntoYahudi. Jadi rapokuya rapasuukamiu tona ledo toYahudi mangoseaka ada ntoYahudi?”

Galatia 2:5

Kami ledo ntoto natundu nte pepatudukira, nau aga sampalai. Nitidamaka kami ala Kareba Belo ledo ragalo nte pepatudukira nasala, bo ala Kareba Belo nitarimamiu mpuu-mpuu nakana.

Kolose 1:5

Komiu nomparasaya bo nepotove sabana komiu bate-batena nanjarumaka Alatala bo nantongoraka anu nipakasadiaNa ka komiu ri suruga. Anu nisarumakamiu haitu niepemiumo tempo Kareba Belo nipatolele ka komiu bara ipia. Kareba Belo haitu mpuu-mpuu nakana

Lukas 1:3

Jadi naupu yaku nomparesa pura-pura kajadia haitu pakabelo-belo, nompamula lako ri pantepuuna, nipekiriku nabelopa ane yaku muni motulisi makana sunju ka komiu.

Suro-Suro 11:30

Sintuvura haitu nipoviara mpuumo, nitudura i Barnabas bo i Saulus manggeni pedekeira haitu ka pakeni-pakeni ntopangoseaka i Yesus ri ngata Yerusalem.

Roma 16:13

Pakavote tabeku ka i Rufus anu nipelisi nTupu, bo nitoiya ntona. Bo pakavote muni tabeku ka tinana anu nirekeku tinaku muni.

1 Petrus 5:13

Tabe lako nte sampesuvumiu sampomparasaya anu naria ri sii ri ngata Babilon. Ira muni nipelisi nu Alatala nasimbayu mpo komiu. Bo tabe muni lako nte anaku i Markus.

3 Yohanes 1:1

Gayus, vega nipotoveku: Sura hitu lako nte yaku, i Yohanes, pakeni ntopomparasaya. Yaku mpuu-mpuu nompotove iko.