2 Timotius 4:3 - Kaili Ledo

³ Apa makava tempona bara maipia domo madota ira mangepe pepatuduki nakana. Raelora guru-guru anu mompatuduki pepatuduki anu marasa raepe. Patujura ala mamala raepera pepatuduki anu nosinggambela ante dota nu rarara mboto nadaa.

2 Timotius 4:3 Referans Kwoze

1 Timotius 1:10

Atura haitu nipovia ka tona nosipogau nte tona ledo bereina mboto, tona nosipogau simbo langgai atau simbo mombine, topangae, topodava, sabi-sabi mpodava, bo ka isema-sema novia anu ledo nosinggambela nte pepatuduki nakana.

Galatia 4:16

Jadi, hitupa yaku nirekemiu balimiu sabana anu nakana nitesaku ka komiu?

Lukas 6:26

Mandasa mpuu komiu ane pura-pura tona nombatoiya komiu, sabana ivesia muni totuamiu nggaulu nombatoiya nabi mpodava.”

Yohanes 8:45

Yaku notesa anu nakana ka komiu, bo ledo niparasayamiu sabana komiu muni topodava.

1 Korintus 2:1

Sampesuvu-sampesuvu, tempo yaku nakava nte komiu nanggeni Kareba Belo lako nte Alatala, yaku ledo notesa ante tesa-tesa nagaya bo napande.

Suro-Suro 17:21

(Niulira ivesia apa pura-pura toAtena bo tosangatana anu nonturo ri Atena, nadamba mpuu nonturo-nturo nangepe bo nombajaritai tesa nabaru sampe nabiasa ledo ria tempona nombatui anu santanina.)

1 Korintus 2:4

Tesa nipatoleleku ledo niuliku ante tesa-tesa mpeopa anu nopuna lako ri kapande nu manusia. Tapi tempo yaku nompatolele kareba haitu, nikitamiumo kuasa lako ri Nosa Gasa nu Alatala.

Lukas 20:19

Nisani nu guru-guru agama bo balengga-balengga ntopanggeni pesomba, porapa haitu nipambela i Yesus ka ira. Sabana haitu, naoge rarara mombasaka i Yesus tempo haitu muni, tapi naeka ira ka todea.

2 Timotius 1:13

Timotius, toramo pura-pura pepatuduki niepemu lako nte yaku. Pepatuduki haitu nakana mpuu bo kana majadi jonjo mupasiala bo mupatuduki ka tona ntanina. Pakaroso pomparasayamu bo potovemo singgamanusiamu sabana posangu raramu nte i Yesus Kristus.

Yudas 1:18

Niulira ivei: “Ane maparamo kaupu nu dunia, kana meumba topesapuaka anu mompongei-ngeika pomparasayata. Ira aga mangoseaka dota rarara nadaa bo ledo raoseakara dota nu Alatala.”