2 Timotius 3:16 - Kaili Ledo

¹⁶ Pura-pura tesa riara Buku Gasa nopuna lako nte Alatala mboto bo noguna mompatuduki anu nakana, mangonteaka tona nasala, mombatulungi tona mompakabelo pokainggura nadaa, bo mompatuduki tona matuvu manoa ri panggita nu Alatala.

2 Timotius 3:16 Referans Kwoze

Roma 15:4

Pura-pura anu nitulisi riara Buku Gasa nggaulu nitulisi mompatuduki kita. Lako ri pepatuduki nikavata ri Buku Gasa kita majadi mosabara riara kasusa bo rarata rapakaroso ala kita maroo manjarumaka Alatala.

Ibrani 4:12

Tesa nu Alatala tesa natuvu bo nakuasa. Tesa haitu natadapa pade guma nomata ntimali apa Tesa haitu namala mantosu sampe ri pantaa nyawa bo rara ntai manusia, nasimbayu mpo guma nantosu sampe ri posidumpa nu buku bo unto nu buku. Tesa haitu namala nombabuka bo nomparesa pekiri bo patuju rara ntai manusia.

Markus 12:24

Nesanamo i Yesus, <

2 Timotius 4:2

Patolelemo Tesa nu Alatala. Iko kana mompasimbuku mompatolele Tesa haitu nau bara ratarima ntona bara ledo. Popaisani ka tona ane masala pokainggura, onteakamo tona novia dosa, bo pakadidimo rarara mokainggu mabelo. Nee masau raramu mompatuduki ira.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

Suro-Suro 20:20

Nisanimiu ledo nakaja raraku nompasimbayu anu noguna ka komiu. Yaku batena nompatuduki komiu ri kasiromu ntodea, bo ri banua-banuamiu.

Yohanes 3:20

Isema-sema novia nadaa ledo ntoto nipokonora reme. Ira ledo ntoto madota manggaparai reme haitu ala pokainggura nadaa haitu ledo rakita.

Matius 13:52

Jadi nanguli i Yesus ka ira, “Ane guru agama Yahudi majadi topangoseaka Yaku riara Poparenta nu Alatala, nisanina pepatuduki nu Atura nu Alatala nasae bo nisanina muni pepatuduki nabaru. Ia nasimbayu eva tupu banua anu nombasuvuraka lako ri kakalumana mbara-mbara nabaru bo mbara-mbara nasae.”

Suro-Suro 18:25

Ia nipatuduki ntona sampe nisanina tesa i Pue Yesus. Jadi tempo ia nakava ri ngata Efesus, nitesana kareba i Yesus ante mpuu-mpuu rarana bo nambela mpuu tesana, nau dopa nisanina pura-pura pepatuduki i Yesus. Aga pombadiu i Yohanes Topediu nisanina.

Roma 2:20

Niulimiu komiumo natau nompatuduki tona nadoyo bo nompaguru tona dopa nanoto, sabana nisanimiumo Atura agama bo riara Atura agama naria mpengaya-ngaya pangisani bo pepatuduki nakana.

Galatia 3:8

Lako ri lamba pamulana Alatala nonia ala tona ledo toYahudi majadi manoa ri panggitaNa sabana pomparasayara. Jadi kareba nabelo haitu nipopaisaniNa nokolu ka i Abraham, evamo nitulisi ri Buku Gasa ivei: “Pura-pura manusia ri dunia manggava belo lako nte Yaku sabana komiu.”

Ibrani 3:7

Jadi, epemo tesa lako ri Nosa Gasa nu Alatala nanguli ivei: “Ane raepemiu suara nu Alatala eo hitu,

1 Korintus 12:7

Kita pura-pura simbo nidekeika pompakule lako ri Nosa Gasa nu Alatala ala manggeni belo ka tona ntanina.

Suro-Suro 20:27

Apa, ledo nasau raraku nompatuduki ka komiu, pura-pura nia nu Alatala ka kita.

Yohanes 10:35

Anu nitulisi riara Buku Gasa haitu ledo nabali-bali tapi bate-batena nakana sampe ri kasae-saena. Ira anu nantarima tesa nu Alatala nggaulu haitu niuliNa ‘ana-ana nu Alatala’,

Matius 26:56

Tapi domo. Kana majadi ivesia mamimo ala madupa tesa nitulisi nabi-nabi nggaulu ri Buku Gasa.” Naupu haitu nipalaika nu anaguruNa puramo Ia.

Suro-Suro 1:16

“Sampesuvu pura-pura. Anu nitulisi riara Buku Gasa nombatesa i Yudas kana madupa. Tempo nggaulu Magau Daud nompasimbayu tesa nu Nosa Gasa nanguli i Yudas manggeni tona mosaka i Yesus.

Matius 21:42

Nanguli i Yesus ka ira, “Natantu nibacamiumo tesa riara Buku Gasa anu nombatesa Magau Topepakasalama ivei: Vatu nitedeaka ntopovia banua vatu haitumo anu nopokopa ka banua haitu. Haitu nipovia nTupu, bo nabelo mpuu ri panggitata!” Mazmur 118:22-23

Roma 4:23

Nitulisi ri Buku Gasa ivei: <> Tesa haitu ledo aga nipambela ka i Abraham,

Ibrani 11:1

Ane kita nomparasaya, batuana nisanitamo anu nisarumakata mpuu-mpuu rakavata. Nau dopa nikitata, nariamo katantuna riara ntaita anu haitu mpuu-mpuu majadi.

Roma 3:2

Tantu nadea pelabina, naria mami gunana. Pamula-mulana, Alatala nombadekei tesaNa ka toYahudi nggaulu.

Suro-Suro 28:25

Kaupuna, nipalaisiramo ponturo haitu apa da nosisalapa panggavara ante pepatuduki i Paulus. Tapi dopame ira nalai, i Paulus nanguli ka ira, “Nakana ntoto Tesa Nosa Gasa nu Alatala anu nipasimbayu Nabi Yesaya ka totuata nggaulu ivei:

Markus 12:36

Magau Daud mboto notesaki Magau Topepakasalama ante pekeniaka Nosa Gasa, ivei: Tupu nanguli ka Pueku, Mazmur 110:1

Matius 26:54

Tapi ane ivesia, ledo madupa tesa riara Buku Gasa anu nanguli pura-pura hitu kana majadi nte Yaku.”

Matius 22:43

Nanguli i Yesus, “Ane ivesia, nuapa sabana Magau Daud nanguli Topepakasalama haitu Puena? Apa ante pekeniaka Nosa Gasa nu Alatala, i Daud nanguli ivei: