2 Timotius 2:8 - Kaili Ledo

⁸ Ane murasai kasusa, toramo i Yesus Kristus, muli Magau Daud. Ia namate bo natuvu mpanjili evamo anu nitesa riara Kareba Belo nipatoleleku.

2 Timotius 2:8 Referans Kwoze

Suro-Suro 2:24

Komiu nompatesi i Yesus, tapi Alatala nompakatuvu mpanjili Ia lako ri kamateNa. NikabasakaNa Ia lako ri kuasa kamatea, sabana Ia ledo ntoto namala rataamaka ri ponturo ntona namate.

Roma 2:16

Jadi, ivesiamo majadi ri Eo Potangara. Nangoseaka Kareba Belo anu nipatoleleku, ri Eo Potangara Alatala mombatudu i Yesus Kristus mombatangara pura-pura anu nitabuniaka riara ntai nu manusia.

2 Tesalonika 2:14

Alatala nompokio komiu majadi todeaNa lako ri Kareba Belo anu nipatolele kami ka komiu. PatujuNa ala komiu manggava bagia riara kuasa bo kaoge nTuputa Yesus Kristus.

Matius 1:1

Iveimo sunju nu muli ntotua i Yesus Kristus, muli Magau Daud, muli i Abraham:

1 Timotius 2:7

Bo haitumo sabana yaku nianggataka nu Alatala majadi suroNa. NituduNa yaku hau mompatolele Kareba Belo ka tona ledo toYahudi. NituduNa yaku mompatuduki pepatuduki nakana ka ira ala raparasayara i Yesus. Anu nitesaku hitu nakana mpuu, yaku ledo nodava!

1 Korintus 15:4

Ia nitana ri dayo, bo ri eo katataluna nipakatuvu mpanjili bo haitu muni najadi nangoseaka anu nitulisi riara Buku Gasa.

Pompakita 5:5

Nanggita yaku notumangi, naria saito totua lako nte ira ropulu bo ampa haitu nanguli ka yaku, “Nee motumangi! Peintamo! Nariamo padagi. Sangana Singa lako ri valaa i Yehuda, Muli Magau Daud. Iamo masipato mombabuka sura pitu-mpopulu haitu.”

1 Timotius 1:11

Pepatuduki nakana haitu naria riara Kareba Belo anu niparasaya ka yaku mompatolelena, haitumo Kareba Belo lako nte Alatala. Alatala naoge bo masipato ratoiya.

1 Korintus 15:1

Kapolana sampesuvu-sampesuvu. Yaku madota mompopatora ka komiu Kareba Belo anu nipatoleleku ka komiu. Nitarimamiumo Kareba haitu bo naroso pomparasayamiu i Kristus sampe sii-sii.

Roma 16:25

Ratoiyata Alatala! Ia nakuasa mompakaroso pomparasayamiu mpo niuli ri Kareba Belo nipatoleleku, haitumo kareba i Yesus Kristus. Kareba i Kristus haitumo nia nu Alatala anu nitabuniakaNa lako ri lamba pamulana.

Suro-Suro 13:23

Lako ri muli i Daud, Alatala nompelisi ka toIsrael saito Magau Topepakasalama nangoseaka pojanjiNa nggaulu, haitumo i Yesus.

Suro-Suro 2:30

Alatala nojanji bo nipakarosoNa ante sumpa, kana maria saito lako ri muli i Daud mboto raanggataka majadi magau bara maipia. Nisani i Daud pojanji haitu bo ia muni nabi, jadi nisanina anu rapovia nu Alatala. Nibotona Magau Topepakasalama anu nijanji nu Alatala matuvu mpanjili lako ri kamateNa. I Daud nanguli: ‘Ia ledo rapalamba maboli ri ponturo ntomate, karobataNa ledo maboli riara dayo sampe mapopo majadi avu.’ Mazmur 16:10

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

2 Timotius 1:8

Jadi, nee maeya matamu motesaki Tuputa i Yesus, bo nee maeya matamu manggita yaku nitarunggu sabana pokarajaaku nompatolele Kareba i Yesus. Tapi iko kana masadia mantingayo kasusa nasimbayu mpo yaku sabana iko nompatolele Kareba Belo. Bo Alatala mombadekei kuasa ka iko mantingayo kasusa haitu.

2 Timotius 2:7

Tanondoakamo porapa pangane bo Tupu mompakanoto raramu ala mupaha pura-pura.