2 Timotius 2:20 - Kaili Ledo

²⁰ Riara banua mbaso naria mpengaya-ngaya pareva. Naria nipovia lako ri bulava bo salaka, tapi naria muni anu nipovia lako ri kayu bo tana lei. Pareva bulava bo salaka nipake mantande torata, tapi pareva ntanina nipake eo-eo.

2 Timotius 2:20 Referans Kwoze

1 Petrus 2:5

Komiu muni nasimbayu mpo vatu-vatu natuvu, jadi dekei Alatala mompake komiu majadi banua petupu ka Ia. Bo riara banua petupu haitu komiu majadi mpo topanggeni pesomba, anu natuvu nipatani ka Alatala. Bo komiu namala metupu nte Ia ante pekeniaka Nosa Gasa. Petupumiu haitu najadi pesomba anu rapokonoa rara nu Alatala sabana anu nipovia i Yesus Kristus.

1 Timotius 3:15

mbelaka masae pade makava yaku, musanimo pokainggu masipato ka pura-pura tona nireke nu Alatala ana-anaNa. Apa kitamo todea anu nombasomba Alatala anu Natuvu sampe ri kasae-saena. Kitamo nanggangisi bo nombajagai pepatuduki nakana lako nte Alatala ala ledo rabaliki ntona, nasimbayu mpo tinja bo pandasi nombatande pakaroso banua.

1 Korintus 3:9

Apa kami bo i Apolos nosampokarajaa ante Alatala, bo komiumo nirapaka talua nu Alatala. Komiu muni nirapaka banua nu Alatala.

Efesus 2:22

Bo komiu muni anu ledo toYahudi nosangu rara nte i Kristus, jadi komiu muni nosanggani-nggani ante topomparasaya i Kristus ntanina najadi ponturo Nosa Gasa nu Alatala.

2 Korintus 4:7

Kami manusia nalente niparasayaka pokarajaa nabelo mpuu, jadi kami nasimbayu mpo kura tana biasa, tapi isina noali mpuu. Alatala novia ivehaitu ala rasani ntona karoso nipokumaaka mombatui pokarajaa hitu, ledo nopuna lako nte kami mboto, tapi nopuna lako nte Ia.

Yohanes 8:49

Nesana i Yesus, “Yaku ledo nipesua nu seta. Yaku nombabila TuamaKu, tapi aga nisalaimiu Yaku.

Roma 9:20

Tapi sampesuvu-sampesuvu, ledo masipato kita mombasanai Alatala! Ledo masipato kura manguli ka topomandu, <>